सकाळी ऑफिसला जायचे असते आणि कपाट उघडले की सगळे कपडे भरलेले दिसतात, पण तरीही घालायला काहीच नाही असे वाटते का. ही समस्या फक्त तुमची नाही तर 90 टक्के मुली आणि मुलांची आहे. याचे कारण आपल्याकडे कपडे जास्त आहेत पण त्यांचे कॉम्बिनेशन कसे करायचे हे माहित नाही. तुम्ही फक्त 7 बेसिक कपडे वापरून 15 दिवस वेगवेगळे दिसू शकता, ते कसे ते पाहूया.
1. पांढरा शर्ट किंवा पांढरा कुर्ता
पांढरा शर्ट हा तुमच्या कपाटातील सगळ्यात महत्त्वाचा कपडा आहे. हा मुलगा आणि मुलगी दोघांसाठीही काम करतो. मुलींसाठी पांढरा कुर्ता आणि मुलांसाठी पांढरा फॉर्मल शर्ट. हा तुम्ही जीन्सवर, फॉर्मल पॅन्टवर, स्कर्टवर कशावरही घालू शकता. ऑफिससाठी आतमध्ये घाला आणि बाहेर फिरायला जायचे असेल तर तोच शर्ट जॅकेटसारखा उघडा घाला.
2. चांगली फिटिंग असलेली निळी जीन्स
एक चांगली निळी जीन्स जी तुम्हाला परफेक्ट फिट होते, ती 10 ड्रेसची बरोबरी करते. जास्त फॅशन असलेली फाटकी जीन्स घेऊ नका, साधी स्ट्रेट फिट निळी जीन्स घ्या. ही जीन्स तुम्ही कुर्त्यावर, टी शर्टवर, शर्टवर सगळ्यावर चालते. ही जीन्स कधीच जुनी होत नाही.
3. काळा कुर्ता किंवा काळा टी शर्ट
काळा रंग कधीच फेल होत नाही. मुलींसाठी एक साधा काळा कुर्ता आणि मुलांसाठी प्लेन काळा टी शर्ट असायलाच हवा. हा तुम्ही कोणत्याही कार्यक्रमात घालू शकता. पांढऱ्या पॅन्टवर काळा कुर्ता घातला की एकदम क्लासी लूक येतो. ऑफिस पार्टी असेल तर काळ्या टी शर्टवर फक्त एक ब्लेझर घाला, लूक पूर्ण बदलेल.
4. बेज किंवा खाकी पॅन्ट
रोज निळी जीन्स घालून कंटाळा येतो. त्यासाठी एक बेज कलरची पॅन्ट घ्या. मुलींसाठी बेज प्लाजो आणि मुलांसाठी चिनो पॅन्ट. हा रंग पांढऱ्या, काळ्या, निळ्या सगळ्या रंगांवर शोभून दिसतो. यामुळे तुम्ही रोज वेगळे दिसता.
5. एक चांगले जॅकेट किंवा श्रग
एक डेनिम जॅकेट किंवा मुलींसाठी लांब श्रग तुमचा साधा ड्रेसही स्टायलिश बनवते. साधा पांढरा टी शर्ट आणि जीन्सवर फक्त एक जॅकेट घातले की लूक एकदम बदलतो. हिवाळ्यातही कामाला येते आणि उन्हाळ्यात संध्याकाळी बाहेर जाताना उपयोगी पडते.
6. प्रिंटेड कुर्ता किंवा चेक शर्ट
सगळे कपडे प्लेन असतील तर कंटाळवाणे वाटते. म्हणून एक प्रिंटेड कपडा हवा. मुलींसाठी छोट्या फुलांचा प्रिंटेड कुर्ता आणि मुलांसाठी निळा चेक शर्ट. हा तुम्ही साध्या पॅन्टवर घातला की आपोआप उठून दिसता.
7. पांढरे स्नीकर्स किंवा कोल्हापुरी चप्पल
कपड्यांसोबत पादत्राणे खूप महत्त्वाची असतात. एक चांगले पांढरे स्नीकर्स मुला मुलींना दोघांनाही चालते. ते साडीवर सोडून सगळ्या कपड्यांवर चालते. पारंपारिक लूकसाठी एक कोल्हापुरी चप्पल ठेवा.
हे 7 कपडे कसे वापरायचे
या 7 कपड्यांनी तुमचे 20 पेक्षा जास्त कॉम्बिनेशन होतील. त्यामुळे नवीन कपडे घेण्यापेक्षा आधी कपाटात असलेल्या कपड्यांचे असे कॉम्बिनेशन करून पहा. कपडे कमी लागतील आणि रोज नवीन दिसाल.