ITR भरला का : जर तुम्ही नोकरी करता, पेन्शन घेता किंवा विद्यार्थी असाल आणि तुमच्या खात्यांचे ऑडिट करावे लागत नसेल, तर आजचा दिवस तुमच्यासाठी खूप महत्त्वाचा आहे. आयकर विभागानुसार मूल्यांकन वर्ष 2026-27 साठी ITR भरण्याची अंतिम मुदत आज 31 जुलै 2026 आहे. ही तारीख चुकवल्यास तुम्हाला दंडासह रिटर्न भरावा लागू शकतो.
आयकर कायद्यानुसार उशिरा रिटर्न भरल्यास विलंब शुल्क आकारले जाते. हे शुल्क तुमच्या वार्षिक उत्पन्नावर अवलंबून आहे:
वार्षिक उत्पन्न ,विलंब शुल्क
₹5 लाख किंवा त्यापेक्षा कमी | ₹1,000
₹5 लाखांपेक्षा जास्त | ₹5,000
महत्वाचे : हा दंड तुम्ही कोणता ITR फॉर्म भरता यावर अवलंबून नाही. तो फक्त उत्पन्नावर आधारित आहे. हे नवीन नियम कर वर्ष 2026-27 पासून लागू आहेत.
ज्यांचे एकूण उत्पन्न मूलभूत सूट मर्यादेपेक्षा कमी आहे त्यांना सामान्यतः विलंब शुल्क भरावे लागत नाही.
परंतु जर त्यांच्यावर काही कर थकीत असेल तर त्यावर व्याज भरावे लागू शकते.
1. रिफंडला उशीर : जर तुम्हाला कर परतावा मिळणार असेल तर तो मिळण्यास बराच विलंब होतो.
2. काही सूट मिळणार नाहीत : काही कर कपातींचा लाभ तुम्हाला घेता येणार नाही.
काळजी करू नका. 31 जुलै चुकल्यास तुम्ही विलंबित ITR - Belated Return भरू शकता.
शेवटची तारीख: 31 डिसेंबर 2026 किंवा मूल्यांकन पूर्ण होण्यापूर्वी, यापैकी जे आधी असेल.
लक्षात ठेवा, विलंबित रिटर्न भरतानाही वरीलप्रमाणे ₹1,000 किंवा ₹5,000 दंड भरावाच लागेल.
5. ITR भरून झाले की सर्वात महत्वाची पायरी - ई-वेरिफिकेशन
फक्त ITR सबमिट करून काम संपत नाही.
नियम: ITR दाखल केल्याच्या तारखेपासून 60 दिवसांच्या आत ई-वेरिफिकेशन करणे बंधनकारक आहे.
जर 60 दिवसात ई-व्हेरिफाय केले नाही तर तुमचा भरलेला रिटर्न अवैध ठरेल. म्हणजे तुम्ही रिटर्नच भरला नाही असे मानले जाईल.
तुम्ही ते नेट बँकिंग, आधार OTP, बँक खाते किंवा डीमॅट खात्याद्वारे सहज करू शकता.
- पगारदार कर्मचारी
- पेन्शनधारक
- विद्यार्थी / फ्रीलान्सर ज्यांचे ऑडिट लागत नाही
आज रात्री 11:59 पर्यंत https://incometax.gov.in या पोर्टलवर जाऊन ITR दाखल करा आणि नंतर 60 दिवसात ई-वेरिफाय करायला विसरू नका.