केंद्र आणि राज्य सरकार सर्वसामान्य नागरिक, शेतकरी, महिला आणि तरुणांसाठी दरवर्षी शेकडो योजना राबवत असते. पण अनेकांना माहितीअभावी या योजनांचा लाभ घेता येत नाही. म्हणूनच आमच्या वेबसाईटवर आम्ही तुम्हाला सरकारी योजना आणि सबसिडीची अचूक आणि वेळेवर माहिती देणार आहोत.
महिलांसाठी योजना : सध्या महाराष्ट्रात सर्वात चर्चेत असलेली योजना म्हणजे मुख्यमंत्री माझी लाडकी बहीण योजना. या योजनेत पात्र महिलांना दरमहा 1500 रुपये थेट बँक खात्यात मिळत आहेत. ऑगस्ट महिन्याचा हप्ता 26 ऑगस्टपासून जमा होण्यास सुरुवात झाली आहे. याशिवाय लेक लाडकी योजना, मोफत शिलाई मशीन योजना यांचाही लाभ घेता येतो.
शेतकऱ्यांसाठी योजना : शेतकऱ्यांसाठी PM किसान सन्मान निधी अंतर्गत वर्षाला 6000 रुपये, नमो शेतकरी महासन्मान अंतर्गत आणखी 6000 रुपये असे एकूण 12 हजार रुपये मिळत आहेत. 20 वा हप्ता नुकताच जमा झाला आहे. तसेच ट्रॅक्टर अनुदान, ठिबक सिंचनासाठी 70% पर्यंत सबसिडी, आणि सोयाबीन-कापूस अनुदानासाठी e-KYC करणे गरजेचे आहे.
घरकुल आणि तरुणांसाठी : PM आवास योजना आणि रमाई आवास योजनेत घर बांधण्यासाठी 1.20 लाख ते 2.5 लाखांपर्यंत अनुदान मिळते. तरुणांसाठी अण्णासाहेब पाटील कर्ज योजना आणि PM विश्वकर्मा योजनेत व्यवसाय सुरू करण्यासाठी 3 लाखांपर्यंत बिनव्याजी कर्ज दिले जाते.