फॉर्म 6 हा भारतीय निवडणूक आयोगाचा अर्ज आहे. 18 वर्षे पूर्ण झालेल्या नवीन मतदाराला आपले नाव मतदार यादीत समाविष्ट करण्यासाठी हा फॉर्म भरावा लागतो. याच फॉर्मच्या आधारे तुम्हाला मतदार ओळख पत्र मिळते.
ज्या भारतीय नागरिकाचे वय 18 वर्षे पूर्ण झाले आहे, जो ज्या मतदारसंघात राहतो त्या मतदारसंघाच्या यादीत त्याचे नाव नसेल, असा कोणताही व्यक्ती हा फॉर्म भरू शकतो. एका मतदारसंघातून दुसऱ्या मतदारसंघात स्थलांतरित झाल्यास देखील फॉर्म 6 भरावा लागतो.
1. वयाचा पुरावा - जन्म दाखला, आधार कार्ड, पॅन कार्ड, दहावीचे प्रमाणपत्र यापैकी एक.
2. पत्त्याचा पुरावा - आधार कार्ड, बँक पासबुक, लाईट बिल, पासपोर्ट यापैकी एक.
3. पासपोर्ट साईज फोटो.
4. पूर्वी मतदार यादीत नाव असल्यास त्याचा तपशील.
तुम्ही दोन पद्धतीने फॉर्म भरू शकता. पहिली पद्धत म्हणजे http://voters.eci.gov.in या अधिकृत वेबसाइटवर किंवा Voter Helpline App वर ऑनलाइन अर्ज करणे. दुसरी पद्धत म्हणजे तुमच्या भागातील BLO म्हणजेच बूथ लेवल ऑफिसर यांच्याकडे ऑफलाइन फॉर्म जमा करणे.
तुमचे नाव तपासण्यासाठी http://voters.eci.gov.in वर जाऊन Search in Electoral Roll या पर्यायावर क्लिक करा. तिथे तुमचे नाव, वय आणि मतदारसंघ टाकून तुम्ही तुमचे नाव तपासू शकता. जर नाव नसेल तर त्वरित फॉर्म 6 भरा.