INFORMATIVE : तुम्ही बोलता आणि मोबाईलवर त्याच वस्तूची जाहिरात येते, तुमचा फोन खरंच तुमचं बोलणं ऐकतो का ? सत्य काय - टॉप न्यूज मराठी

तुमच्यासोबत कधी असे झाले आहे का, तुम्ही मित्राशी पिझ्झा बद्दल बोललात आणि दुसऱ्या मिनिटाला इंस्टाग्रामवर पिझ्झाची जाहिरात आली. किंवा तुम्ही नवीन शूज घ्यायचा विचार मनात बोलून दाखवला आणि लगेच फोनवर शूजचे ऑप्शन दिसू लागले. अनेकांना वाटते आपला मोबाईल आपले बोलणे चोरून ऐकतो. पण यामागचे सत्य काय आहे ते सविस्तर समजून घेऊया.

मोबाईल कंपन्या काय सांगतात

गुगल, फेसबुक, अॅपल या मोठ्या कंपन्या नेहमी सांगतात की आम्ही तुमचा माईक परवानगी शिवाय चालू करत नाही. फोनमध्ये जेव्हा तुम्ही ओके गुगल किंवा हे सिरी म्हणता तेव्हाच माईक काही सेकंदासाठी अॅक्टिव्ह होतो. पण तरीही लोकांचा विश्वास बसत नाही कारण जाहिराती अगदी अचूक येतात.

मग जाहिराती कशा येतात

याचे उत्तर आहे डेटा ट्रॅकिंग आणि आर्टिफिशियल इंटेलिजन्स. तुम्ही काय बोलता हे फोन ऐकत नसला तरी तुम्ही काय करता हे फोन बरोबर ट्रॅक करतो.

• पहिले कारण म्हणजे तुमचा सर्च हिस्टरी. तुम्ही गुगलवर काय सर्च केले, युट्युबवर काय पाहिले, कोणत्या दुकानाजवळ गेलात हे गुगलला माहित असते. तुम्ही पिझ्झाबद्दल बोललात त्याच्या आदल्या दिवशी तुम्ही कदाचित स्विगीवर पिझ्झा पाहिला असेल.

• दुसरे कारण म्हणजे तुमच्या मित्रांचा डेटा. तुम्ही ज्या मित्राशी बोललात त्याने जर पिझ्झा सर्च केला असेल तर अल्गोरिदमला वाटते तुम्ही दोघे एकत्र आहात, दोघांना एकच जाहिरात दाखवावी.