HEALTH TIPS : पोटाचे स्वास्थ्य म्हणजे सगळ्या शरीराचे स्वास्थ्य असते. पोटकच्या अगदी लहान सहन कुरबुरी जर सातत्याने जाणवत असतील तर अजिबात दुर्लक्षित करू नका. आपलं पोट ठीक नसेल, दिवसभर जड वाटत असेल, मनात बेचैनी असेल, तर कितीही काम केले तरी अस्वस्थ वाटत असेल. पोट हे आपल्या आरोग्याचं केंद्र आहे, आणि जेव्हा पोट स्वच्छ राहतं, तेव्हा शरीर हलकं वाटतं, चेहऱ्यावर तेज येतं, आणि मनही प्रसन्न राहतं. पण आजच्या व्यस्त जीवनशैलीमुळे, अनियमित आहार आणि फास्टफूडमुळे बऱ्याच लोकांना कडक शौच, पोट साफ न होणे, किंवा गच्च वाटणे या समस्या वारंवार भेडसावतात.
यावर औषधं घेण्यापेक्षा, एक नैसर्गिक, घरगुती उपाय खूप उपयोगी पडतो तो म्हणजे दही आणि ओवा . आपल्या किचन मधील हे दोन घटक घटक पचनासाठी वरदान मानले जातात.
हे आपल्या भारतीय आहारातील एक जुने आणि अतिशय उपयुक्त अन्न आहे. घरच्या घरी बनवलेलं दही शरीराला थंडावा देतं, आम्लपित्त कमी करतं आणि पचनशक्ती वाढवतं. दह्यात प्रोबायोटिक्स असतात – हे आपल्या पोटातील “चांगले जिवाणू” आहेत, जे आतड्याचं आरोग्य सुधारतात.
नियमित दही खाल्ल्याने
पोटातील सूज कमी होते
पचन सुधारते
आम्लपित्त आणि गॅस कमी होतो
शरीरातील उष्णता संतुलित राहते
ओव्याला आपल्याकडे "पोटाचा राखणदार" असं म्हणतात. यातील “थायमॉल” नावाचं तत्व पचनाला मदत करतं, गॅस, पोटदुखी आणि मळमळ कमी करतं. ओवा शरीरातील टॉक्सिन्स बाहेर काढायला मदत करतो आणि पोटातील अन्न नीट पचवतो.
जेव्हा तुम्ही या दोन गोष्टी एकत्र करता, तेव्हा ते पोटासाठी एक नैसर्गिक औषध बनतं.
शौचास कडकपणा कमी होतो
पोटातील जडपणा आणि फुगवटा नाहीसा होतो
पचन सुधारून शरीर हलकं वाटतं
रोज सकाळी पोट व्यवस्थित साफ होण्यास मदत होते
आम्लपित्त आणि उलट्या होण्याची प्रवृत्ती कमी होते
दररोज दुपारी जेवणानंतर, घरगुती बनवलेल्या दह्याची १ वाटी घ्या. त्यात पाव चमचा ओवा ताल हातावर चोळून मिसळा. थोडंसं मीठ टाकलं तरी चव येईल.
हे रोज केल्याने पोटातील समस्या हळूहळू कमी होतील.
ज्यांना रोज सकाळी पोट नीट साफ होत नाही, त्यांनी हा उपाय ७ दिवस नियमित केला तरी फरक जाणवेल.
दही नेहमी घरचं आणि ताजं असावं
रात्री झोपण्यापूर्वी दही खाऊ नका
पावसाळ्यात किंवा थंडीमध्ये दही घेताना थोडं सुकं आलं पावडर मिसळा
जास्त प्रमाणात ओवा टाकू नका — फक्त पाव चमचा पुरेसा आहे
ज्यांना रोज पोट साफ होत नाही
ज्यांना गॅस, आम्लपित्त, ढेकर किंवा फुगवटा जाणवतो
ज्यांना वारंवार पोटदुखी किंवा पोट भरल्यासारखं वाटतं
जे लहान मुलं किंवा वयोवृद्ध लोक आहेत आणि औषधं घ्यायला इच्छुक नाहीत