HEALTH IS WEALTH : सकाळचे कोवळे ऊन शुगर असलेल्यांसाठी वरदान ! जाणून घ्या 15 मिनिटांच्या सूर्यप्रकाशाचे 5 मोठे फायदे - टॉप न्यूज मराठी

मधुमेह असलेल्या व्यक्तींनी फक्त औषधांवर अवलंबून न राहता जीवनशैलीत छोटे बदल केले तर शुगर कंट्रोल करणे सोपे जाते. त्यापैकीच एक सोपा आणि मोफत उपाय म्हणजे सकाळचे कोवळे ऊन घेणे. हे औषधाचा पर्याय नाही पण शुगर नियंत्रणात ठेवण्यासाठी नक्कीच मदत करू शकते.

सकाळच्या उन्हाचे शुगर असलेल्यांसाठी कोणते फायदे आहेत

1. व्हिटॅमिन डी वाढते आणि इन्सुलिन सुधारते

सकाळच्या उन्हामुळे शरीरात नैसर्गिकरित्या व्हिटॅमिन डी तयार होते. व्हिटॅमिन डी कमी असेल तर इन्सुलिनची कार्यक्षमता कमी होते. नियमित ऊन घेतल्याने इन्सुलिन सेन्सिटिव्हिटी सुधारते.

2. बॉडी क्लॉक आणि ब्लड शुगर नियंत्रण

आपल्या शरीराचे एक घड्याळ असते ज्याला सर्केडियन रिदम म्हणतात. सकाळचा प्रकाश या घड्याळाला संतुलित ठेवतो. यामुळे कॉर्टिसोल सारखे स्ट्रेस हार्मोन्स योग्य वेळी बाहेर पडतात आणि दिवसभर शुगर अचानक वाढत नाही.

3. मूड चांगला आणि तणाव कमी

सूर्यप्रकाशामुळे शरीरात सेरोटोनिन नावाचे हार्मोन वाढते. यामुळे मूड चांगला राहतो आणि तणाव कमी होतो. तणाव कमी असेल तर शुगरही आपोआप स्थिर राहते.

4. हृदय आणि हाडांसाठी फायदेशीर

शुगर असलेल्या लोकांना हृदयविकाराचा धोका जास्त असतो. सकाळचे ऊन रक्तदाब आणि रक्ताभिसरण सुधारते. तसेच व्हिटॅमिन डी मुळे कॅल्शियम शोषण चांगले होते त्यामुळे थकवा आणि अशक्तपणा कमी होतो जो शुगरमध्ये खूप कॉमन आहे.

5. झोप सुधारते

सकाळी ऊन घेतल्याने रात्री गाढ झोप लागते. चांगली झोप असेल तर इन्सुलिनची कार्यक्षमता वाढते. झोप कमी झाली की शुगर वाढते हे अनेक संशोधनातून समोर आले आहे.

किती वेळ आणि कधी ऊन घ्यावे

सकाळी 7 ते 9 या वेळेतले ऊन सर्वात चांगले असते. दररोज 15 ते 20 मिनिटे पुरेसे आहे. कडक उन्हात बसू नका.

शुगर असलेल्यांसाठी बेस्ट रुटीन कोणते

फक्त उन्हात बसण्यापेक्षा सन प्लस वॉक हे कॉम्बिनेशन सर्वात बेस्ट आहे. 15 ते 30 मिनिटे हलकी चालणे म्हणजे शतपावली केल्यास ब्लड शुगर जलद नियंत्रणात राहते. सूर्यप्रकाश आणि हालचाल याचा डबल फायदा मिळतो. सकाळची छोटी रुटीन अशी ठेवा

उठल्यावर एक ग्लास कोमट पाणी प्या
5 ते 10 मिनिटे स्ट्रेचिंग करा
15 ते 20 मिनिटे सूर्यप्रकाशात चाला
त्यानंतर हेल्दी नाश्ता करा जसे की पोहे, उपमा, मूग डाळ किंवा अंडी

काळजी काय घ्यावी

रिकाम्या पोटी जास्त वेळ उन्हात राहू नका. डोक्यावर टोपी किंवा कॅप वापरा. पाणी पिणे विसरू नका. जर चक्कर किंवा अशक्तपणा जाणवला तर लगेच थांबा.

कोणासाठी जास्त फायदेशीर आहे

ज्यांची शुगर नवीन आहे, जे लोक दिवसभर घरात किंवा ऑफिसमध्ये असतात आणि ज्यांना व्हिटॅमिन डी ची कमतरता आहे अशा लोकांसाठी सकाळचे ऊन अत्यंत फायदेशीर ठरू शकते.