आजकाल कामाच्या धावपळीमुळे अनेकांना रात्री जेवायला उशीर होतो. कोणी 10 वाजता जेवते तर कोणी 11 ते 12 वाजता. कधी कधी भूक नसताना किंवा मोबाईल पाहत उशिरा जेवले जाते. ही सवय वरवर सामान्य वाटत असली तरी शरीरासाठी खूप घातक ठरू शकते. वेळेत न जेवल्यामुळे पचनक्रिया बिघडते आणि अनेक आजारांना आमंत्रण मिळते.
रात्री उशिरा जेवल्यानंतर आपण लगेच झोपतो. त्यामुळे खाल्लेले अन्न नीट पचत नाही आणि त्याचे चरबीत रूपांतर होते. रात्री मेटाबॉलिजम मंदावले असते, त्यामुळे कॅलरीज बर्न होत नाहीत. रोज उशिरा जेवण्याने हळूहळू वजन वाढू लागते आणि पोट सुटते.
2. अॅसिडिटी आणि गॅसची समस्या
वेळेत न जेवणे किंवा खूप उशिरा जेवणे यामुळे पोटात अॅसिड जास्त तयार होते. त्यामुळे छातीत जळजळ होणे, आंबट ढेकर येणे, पोट फुगणे असा त्रास होतो. रात्री उशिरा तेलकट आणि मसालेदार जेवण केल्यास ही समस्या आणखी वाढते. अनेकांना सकाळी उठल्यावर पोट जड लागण्याचे कारण हेच असते.
3. झोप न लागणे आणि थकवा
रात्री उशिरा जेवल्यावर पचनासाठी शरीराला जास्त काम करावे लागते. त्यामुळे मेंदू अॅक्टिव्ह राहतो आणि झोप लागत नाही. झोप पूर्ण न झाल्यामुळे दुसऱ्या दिवशी दिवसभर थकवा, डोकेदुखी आणि चिडचिड जाणवते. ही सवय रोजची झाली तर निद्रानाशाचा त्रास सुरू होऊ शकतो.
4. डायबिटीस आणि ब्लड शुगर वाढणे
रात्री उशिरा जेवल्याने रक्तातील साखरेची पातळी वाढते. शरीराला इन्सुलिन व्यवस्थित वापरता येत नाही. वारंवार उशिरा जेवण केल्याने टाईप 2 डायबिटीसचा धोका वाढतो. ज्यांना आधीच शुगर आहे त्यांनी तर रात्री उशिरा जेवणे पूर्णपणे टाळावे.
5. हृदयाशी संबंधित आजार
अनेक संशोधनात असे समोर आले आहे की रात्री उशिरा जेवण केल्याने रक्तदाब आणि कोलेस्ट्रॉल वाढते. याचा थेट परिणाम हृदयावर होतो. वेळेत न जेवणे आणि लगेच झोपणे यामुळे हृदयविकाराचा धोका वाढू शकतो.
म्हणूनच रात्रीचे जेवण शक्यतो 7 ते 8.30 च्या आत करण्याचा प्रयत्न करा. जेवणानंतर लगेच झोपू नका, किमान दोन तासांचे अंतर ठेवा. हलके आणि पचायला सोपे अन्न खा, जेणेकरून आरोग्य चांगले राहील.