Health : आजकाल 20 आणि 30 व्या वर्षीच केस पांढरे होण्याची समस्या मोठ्या प्रमाणात वाढली आहे. प्रत्येक घरात एक तरी व्यक्ती या समस्येने त्रस्त आहे. केस पांढरे झाले की आरोग्यावर फार फरक पडत नाही पण आपण वयापेक्षा म्हातारे दिसतोय का, लोक काय म्हणतील ही भीती मनात बसते. त्यामुळे आत्मविश्वास कमी होतो. केस काळे करण्यासाठी अनेकजण महागडे डाय आणि हेअर कलर वापरतात. पण त्यातील केमिकल्समुळे केस आणखी खराब होतात, गळू लागतात आणि कोरडे होतात.
डाय न लावता घरच्याघरी काही सोपे उपाय करून तुम्ही पांढरे केस नैसर्गिकरित्या काळे करू शकता. हे उपाय स्वस्त आहेत आणि त्यांचा कोणताही साईड इफेक्ट नाही. चला जाणून घेऊया ते 4 जबरदस्त उपाय.
1. कोरा चहा हा सगळ्यात सोपा उपाय
पांढऱ्या केसांवर काळ्या चहाचा खूप चांगला परिणाम होतो. यासाठी एक ग्लास पाण्यात 2 चमचे चहा पावडर टाकून चांगले उकळून घ्या. हे पाणी थंड झाल्यावर गाळून घ्या आणि केसांना मुळापासून लावा. अर्धा तास तसेच ठेवून नंतर साध्या पाण्याने केस धुवा. आठवड्यातून एकदा हा उपाय केला तर हळूहळू केसांना नैसर्गिक काळा रंग येऊ लागतो.
2. मेथी आणि आवळ्याचा हेअर मास्क
मेथी केसांसाठी अमृत मानली जाते. मेथीचे दाणे बारीक करून पावडर तयार करा. या पावडरमध्ये 3 ते 4 आवळ्यांचा रस आणि 2 चमचे खोबरेल तेल मिसळून पेस्ट तयार करा. हा मास्क केसांच्या मुळाला लावा आणि एक तास ठेवल्यानंतर धुवा. आठवड्यातून एकदा हा मास्क लावल्यास पांढरे केस कमी होण्यासोबतच केस गळणेही थांबते आणि केस दाट होतात.
3. कढीपत्ता, आवळा आणि ब्राह्मीचा जादूई मास्क
केस काळे करण्यासाठी कढीपत्ता हा रामबाण उपाय आहे. यासाठी 2 चमचे आवळा पावडर घ्या आणि त्यात 2 चमचे ब्राह्मी पावडर घाला. आता त्यात 10 ते 12 कढीपत्त्याची पाने बारीक वाटून मिसळा. थोडे पाणी घालून पेस्ट बनवा आणि केसांना लावा. साधारण एक तास केसांवर ठेवल्यानंतर धुवा. नियमित वापराने केस काळेभोर होतात.
4. नारळाचे तेल आणि कलौंजी
खोबरेल तेल केसांना व्यवस्थित लावल्यास केस पांढरे होण्याची समस्या दूर होते. एका भांड्यात खोबरेल तेल घेऊन त्यात अर्ध्या लिंबाचा रस आणि भाजून पावडर केलेल्या कलौंजीच्या बिया मिसळा. हे मिश्रण कोमट गरम करून मुळापासून टोकापर्यंत लावा. 1 ते 2 तास केसांवर ठेवा आणि नंतर केस धुवा. हा उपाय केस धुण्यापूर्वी केल्यास केस नैसर्गिकरित्या काळे होऊ लागतात.
या उपायांसोबत लक्षात ठेवा
फक्त बाहेरून उपाय करून चालणार नाही. रोजच्या जेवणात आवळा, पालक, कढीपत्ता, बदाम आणि भरपूर पाणी यांचा समावेश करा. रात्री उशिरा जागणे, टेन्शन आणि जंक फूड टाळा. कारण पांढरे केस होण्याचे मुख्य कारण ताणतणाव आणि पोषक तत्वांची कमतरता हेच आहे. हे 4 उपाय सलग 2 ते 3 महिने केल्यास तुम्हाला नक्की फरक जाणवेल.
डिस्क्लेमर - हा लेख सर्वसामान्य माहितीसाठी आहे. कोणताही उपाय करण्यापूर्वी त्वचा तज्ञांचा सल्ला नक्की घ्या.