आरोग्य - मूळव्याध म्हणजेच पाईल्स हा आजार आजकाल खूप लोकांमध्ये दिसून येतो. जास्त वेळ बसून काम करणे, चुकीचा आहार, पाणी कमी पिणे आणि बद्धकोष्ठता ही त्याची मुख्य कारणे आहेत. या आजारात गुदद्वाराजवळ सूज येणे, दुखणे आणि कधी कधी रक्त येणे असा त्रास होतो. सुरुवातीच्या टप्प्यात काही घरगुती उपायांनी चांगला आराम मिळू शकतो.
1. कोमट पाण्यात बसणे -
दिवसातून दोन ते तीन वेळा कोमट पाण्याच्या टबमध्ये 15 मिनिटे बसा. यामुळे दुखऱ्या अवयवाला आराम मिळतो आणि सूज कमी होते.
2. फायबरयुक्त आहार घ्या -
आहारात पालक, मेथी, फळे, दलिया, ओट्स आणि कडधान्य वाढवा. भरपूर पाणी प्या. यामुळे पोट साफ होते आणि जोर द्यावा लागत नाही. मैदा आणि तिखट पदार्थ टाळा.
3. बर्फाने शेकणे -
सूज जास्त असेल तर बर्फाचा तुकडा कापडात गुंडाळून 10 मिनिटे लावा. यामुळे दुखणे आणि सूज दोन्ही कमी होते.
4. एलोवेरा जेल -
ताज्या कोरफडीचा गर काढून त्या जागेवर लावल्याने थंडावा मिळतो आणि जळजळ कमी होते.
5. लिंबाचा रस -
लिंबाचा रस थोड्या पाण्यात मिसळून लावल्याने रक्तवाहिन्या मजबूत होतात आणि आराम मिळतो.
6. जैतूनाचे तेल -
ऑलिव्ह तेलात कापूस बुडवून लावल्यास वेदना कमी होतात. रोज सकाळी एक चमचा तेल घेतल्यास बद्धकोष्ठता कमी होते.
7. सवयी बदला -
एकाच जागी तासनतास बसू नका. दर तासाने उठून चाला. नियमित चालणे आणि हलका व्यायाम करा. शौचाला जोर देऊ नका.
हा त्रास दोन तीन दिवसांपेक्षा जास्त राहिल्यास, रक्त जास्त येत असल्यास किंवा खूप वेदना होत असल्यास डॉक्टरांना नक्की भेटा.
डिस्क्लेमर - सदर लेख हा सामान्य माहितीवर आधारित आहे. कोणताही उपाय करण्यापूर्वी डॉक्टरांचा सल्ला घेणे आवश्यक आहे.