दिवाळी म्हणजे गोडधोड, फराळ आणि एकत्र येण्याचा सण. पण याच गोडव्याचा फायदा घेऊन काही भेसळखोर आपल्या आरोग्याशी खेळत आहेत. हाच खेळ उधळून लावण्यासाठी महाराष्ट्राच्या अन्न व औषध प्रशासनाने (FDA) सणाच्या तोंडावर राज्यभरात मोठी मोहीम राबवली आहे.
FDA ने दिलेल्या माहितीनुसार, १ ते ५ ऑक्टोबर २०२६ या पाच दिवसांत राज्याच्या विविध जिल्ह्यांमध्ये १५० हून अधिक ठिकाणी छापे टाकण्यात आले. यामध्ये:
- एकूण मुद्देमाल: २.२२ कोटी रुपये
- स्वरूप: बनावट मावा, केमिकलने रंगवलेल्या मिठाया, मुदतबाह्य पनीर, निकृष्ट तेल, चुकीचे लेबल असलेले फराळाचे पदार्थ
- कायदेशीर कारवाई: १५ FIR दाखल, २६ जणांना अटक, २८ नमुने प्रयोगशाळेत तपासणीसाठी पाठवले
FDA ने मुंबईवर विशेष लक्ष केंद्रित केले होते. अंधेरी, वांद्रे, कालिना भागातील हाय-प्रोफाइल हॉटेल्समध्ये स्वच्छतेचे धिंडवडे निघाले.
१. खव्याची चाचणी: खवा हातावर चोळा, तेलकट वाटला आणि कडवट वास आला तर तो भेसळयुक्त असू शकतो.
२. रंगाची चाचणी: गुलाबजाम, जिलेबीचा रंग हाताला लागत असेल तर तो केमिकल कलर आहे.
३. पनीरची चाचणी: पनीर दाबल्यावर पाणी सुटत असेल आणि लवकर तुटत असेल तर तो बनावट आहे.
४. लेबल तपासा: FSSAI नंबर, बनवल्याची तारीख, एक्सपायरी डेट नसेल तर खरेदी करू नका.
५. पावती घ्या: कोणत्याही मिठाई दुकानातून पावती घ्यायला विसरू नका, तक्रार करताना ती उपयोगी पडते.
आपल्या उत्तर महाराष्ट्रात दिवाळीच्या काळात राजस्थान आणि गुजरातमधून मोठ्या प्रमाणात मावा येतो. FDA च्या सूत्रांनी Pen India ला सांगितले की, पुढील ८ दिवसांत नाशिक विभागात विशेष मोहीम राबवली जाणार आहे. येवला नगरपरिषद हद्दीतील मिठाई दुकानदारांनी स्वतःहून तपासणी करून घ्यावी, अन्यथा कडक कारवाई होईल.
जर तुम्हाला कुठे भेसळ आढळली तर थेट या नंबरवर WhatsApp किंवा कॉल करा: