भारतीय ऑटोमोबाईल बाजारात स्वतःची वेगळी ओळख निर्माण करणारी आणि ऑफ-रोडिंग प्रेमींची पहिली पसंती असलेली ३-डोअर महिंद्रा थार (Mahindra Thar 3-Door) आता अधिक शक्तिशाली आणि आधुनिक अवतारात ग्राहकांच्या भेटीला येत आहे. स्कॉर्पिओ-एन आणि नुकत्याच लाँच झालेल्या ५-डोअर थार रॉक्सच्या (Thar Roxx) दणदणीत यशानंतर, महिंद्रा अँड महिंद्रा (Mahindra & Mahindra) आता आपल्या आयकॉनिक ३-डोअर थारला फेसलिफ्ट (Thar Facelift) अपडेट देणार आहे.
स्वातंत्र्यदिनानिमित्त आयोजित होणाऱ्या महिंद्राच्या वार्षिक 'फ्रीडम ड्राइव्ह' (Freedom Drive) कार्यक्रमात ही बहुप्रतीक्षित कार लाँच होण्याची दाट शक्यता वर्तवली जात आहे. सध्या बाजारात असलेल्या ३-डोअर थारमध्ये केबिनमधील आरामदायीपणा आणि आधुनिक सुरक्षेची काही वैशिष्ट्ये कमी असल्याबाबत सातत्याने चर्चा होत होती. हाच फीडबॅक लक्षात घेऊन कंपनीने आगामी फेसलिफ्ट मॉडेलमध्ये मोठे बदल केले आहेत. ५-डोअर थार रॉक्समधील तब्बल ५ जबरदस्त आणि प्रीमियम फीचर्स आता ३-डोअर थारमध्ये समाविष्ट करण्यात आले आहेत.
नवीन थार फेसलिफ्टच्या बाह्य रचनेत (Exterior Design) मोठे बदल करून तिला पूर्वीपेक्षा अधिक बोल्ड आणि स्पोर्टी लुक देण्यात आला आहे. नवीन आक्रमक फ्रंट ग्रिल, री-डिझाइन केलेले LED हेडलाइट्स, ड्युअल-टोन बंपर आणि नव्या डिझाइनचे अलॉय व्हील्स कारच्या लूकला अधिक उठावदार बनवतात. ही कार स्टेथ ब्लॅक, एव्हरेस्ट व्हाईट, तँगो रेड आणि डीप फॉरेस्ट यांसारख्या नव्या आणि आकर्षक रंगांच्या पर्यायांमध्ये उपलब्ध असणार आहे.
नव्या हायटेक फीचर्सच्या समावेशामुळे थार फेसलिफ्टच्या किमतीत सध्याच्या मॉडेलच्या तुलनेत थोडी वाढ होण्याची शक्यता आहे. सुरुवातीची किंमत सुमारे ११.५० लाख रुपयांपासून सुरू होऊन टॉप मॉडेलसाठी १८.५० लाख रुपयांपर्यंत (एक्स-शोरूम) जाण्याचा अंदाज वर्तवला जात आहे. विशेष म्हणजे, गाडीच्या इंजिन क्षमतेत कोणताही बदल न करता जुनेच शक्तिशाली इंजिन कायम ठेवण्यात आले आहे. आधुनिक तंत्रज्ञान, लक्झरी फीचर्स आणि राकट ऑफ-रोडिंग क्षमता यांचा हा मिलाफ थार प्रेमींना नक्कीच वेड लावणार आहे.
Mahindra Thar, Thar Facelift, Mahindra Thar 3 Door, Thar Roxx, ADAS Safety, Mahindra Freedom Drive, नवीन कार लाँच, ऑटो न्यूज टॉप न्यूज मराठी