भारतीय ऑटोमोबाईल बाजारात कॉम्पॅक्ट एसयूव्ही सेगमेंटमध्ये वर्षानुवर्षे दबदबा निर्माण करणाऱ्या मारुती सुझुकी ब्रेझाने आता एका नव्या आणि अधिक शक्तिशाली अवतारात येण्याची तयारी केली आहे. बहुप्रतिक्षित '2026 मारुती सुझुकी ब्रेझा फेसलिफ्ट' २४ जुलै २०२६ रोजी अधिकृतपणे लाँच करण्यात आली आहे. या नव्या मॉडेलमध्ये कंपनीने इंजिन, डिझाइन आणि फीचर्समध्ये अनेक मोठे आणि महत्त्वपूर्ण बदल केले आहेत.
नव्या ब्रेझामधील सर्वात मोठी उत्सुकता त्याच्या इंजिनबद्दल आहे. सध्याच्या १.५-लिटर नॅचरली एस्पिरेटेड पेट्रोल इंजिनसोबतच, आता यामध्ये १.०-लिटर टर्बो-पेट्रोल इंजिन देण्यात आले आहे. हे इंजिन साधारण ११० एचपीची ताकद निर्माण करेल. या लहान टर्बो इंजिनमुळे ब्रेझाला सब-४-मीटर कारच्या टॅक्स सवलतीचा फायदा मिळेल, ज्यामुळे या कारची किंमत अधिक स्पर्धात्मक होण्याची शक्यता आहे.
बाहेरून पाहिल्यास, नव्या ब्रेझाला एक फ्रेश आणि आधुनिक लुक देण्यात आला आहे. यामध्ये सोनेरी फिनिशिंग असलेली स्लिम फ्रंट ग्रिल, त्रिकोणी फॉग लॅम्प हाउसिंगसह स्पोर्टी फ्रंट बंपर आणि नवीन डिझाइनचे १६-इंच ड्युअल-टोन अलॉय व्हील्स पाहायला मिळतील. कारच्या केबिनमध्येही (Interior) अनेक प्रीमियम अपडेट्स करण्यात आले आहेत, जसे की १०.१-इंचाची मोठी टचस्क्रीन इन्फोटेनमेंट सिस्टीम, उन्हाळ्यात प्रवाशांना थंडावा देण्यासाठी व्हेंटिलेटेड फ्रंट सीट्स रात्रीच्या प्रवासात सुखद अनुभव देणारी अॅम्बियंट लाइटिंग, नवीन क्लायमेट कंट्रोल पॅनल आणि आलिशान ब्राऊन रंगाची सीट अपहोल्स्ट्री. मारुतीने या फेसलिफ्टमध्ये सुरक्षेच्या बाबतीत कोणतीही तडजोड केलेली नाही. कारमध्ये आता ६ एअरबॅग्ज, ३६०-डिग्री कॅमेरा आणि समोरच्या बाजूला पार्किंग सेन्सर्स समाविष्ट करण्यात आले आहेत, ज्यामुळे पार्किंग करणे आणि गर्दीच्या ठिकाणी कार चालवणे अधिक सोपे होईल.
२०२६ ब्रेझा फेसलिफ्ट ही आकर्षक सिंगल आणि ड्युअल-टोन रंगांमध्ये उपलब्ध असेल. यामध्ये पारंपारिक पांढरा, राखाडी, आणि चंदेरी या रंगांशिवाय, एक नवीन स्पोर्टी रेड खाकी ग्रीन आणि निळ्या रंगाचा पर्याय मिळण्याची शक्यता आहे. नवीन मारुती ब्रेझा फेसलिफ्टची सुरुवातीची किंमत ₹८.५० लाख (एक्स-शोरूम) असून तिच्या टॉप व्हेरियंटची किंमत साधारण ₹१४.५० लाखांपर्यंत आहे.