इन्स्टाग्राम आणि फेसबुकनंतर आता WhatsApp नेही प्रायव्हसीसाठी मोठं पाऊल उचललं आहे. अनेकदा आपल्या प्रोफाइल फोटोचा कोणीतरी स्क्रीनशॉट काढून गैरवापर करतो, याच्या अनेक तक्रारी होत्या. यावरच आता WhatsApp ने कायमचा उपाय काढला आहे.
WhatsApp ने 2024-25 मध्ये दोन जबरदस्त फिचर्स आणले आहेत, जे आता 2026 मध्ये सर्वांसाठी लागू झाले आहेत.
1) प्रोफाइल फोटोचा स्क्रीनशॉट ब्लॉक:
आता तुम्ही कोणाच्याही WhatsApp DP चा स्क्रीनशॉट काढू शकणार नाही. तुम्ही स्क्रीनशॉट काढायचा प्रयत्न केला तर स्क्रीनवर "Can't take screenshot due to app restrictions" असा मेसेज येईल किंवा फक्त काळी स्क्रीन सेव्ह होईल.
या आधी WhatsApp ने प्रोफाइल फोटो सेव्ह करण्याचा ऑप्शन बंद केला होता, पण स्क्रीनशॉटची पळवाट राहिली होती. आता ती सुद्धा बंद झाली आहे. यामुळे फेक अकाऊंट बनवणे, फोटोचा गैरवापर करून स्कॅम करणे याला आळा बसेल. हे फिचर आधी बीटा युजर्ससाठी होते, आता अँड्रॉइड आणि iPhone दोन्हीसाठी लाईव्ह आहे.
2) View Once फोटो/व्हिडिओचा स्क्रीनशॉटही ब्लॉक:
WhatsApp चे View Once फिचर तुम्ही वापरत असालच. एकदा पाहिल्यावर फोटो गायब होतो. पण अनेकजण त्याचा स्क्रीनशॉट काढत होते. आता WhatsApp ने यावरही बंदी घातली आहे. View Once फोटोचा स्क्रीनशॉट काढला तर तो फोटो काळा येईल आणि सेव्हच होणार नाही.
मग चॅटचा स्क्रीनशॉट काढता येईल का ?
हो, सामान्य चॅटचा स्क्रीनशॉट अजूनही काढता येतो. फक्त प्रोफाइल फोटो आणि View Once मेसेजचा स्क्रीनशॉट ब्लॉक झाला आहे. मात्र, WhatsApp एका नवीन 'Authentication' फिचरवर काम करत आहे, ज्यात फिंगरप्रिंट लॉक लावल्यावर चॅटचाही स्क्रीनशॉट ब्लॉक होईल, अशी चर्चा आहे.
तुम्ही काय करावे ?
तुमच्या प्रायव्हसीसाठी Settings > Privacy > Profile Photo मध्ये जाऊन "My Contacts Except..." हा ऑप्शन निवडा, म्हणजे अनोळखी लोकांना तुमचा DP दिसणारच नाही. थोडक्यात, दुसऱ्याच्या फोनने फोटो काढणे अजूनही शक्य आहे, पण WhatsApp ने स्क्रीनशॉटची सोपी चोरी आता बंद केली आहे, हा प्रायव्हसीसाठी मोठा दिलासा आहे.
माहिती स्रोत - इंटरनेट