फॅशन - बिशन : वयाच्या चाळीशीनंतर अनेक महिलांना वाटते की आता फॅशन आपल्यासाठी नाही. पण हे पूर्णपणे चुकीचे आहे. योग्य कपडे आणि योग्य स्टाईलने तुम्ही चाळीशीनंतरही विशीतल्या मुलीसारख्या तरुण दिसू शकता. अनेक महिला फॅशनच्या नावाखाली अशा काही चुका करतात ज्यामुळे त्या वयापेक्षा जास्त मोठ्या दिसतात. अशा कोणत्या 4 चुका आहेत ज्या टाळल्या पाहिजेत चला जाणून घेऊया.
चाळीशीनंतर अनेक महिला फक्त काळा, तपकिरी किंवा फिकट रंगाचे कपडे घालतात. यामुळे चेहरा निस्तेज दिसतो आणि वय जास्त दिसते. नेहमी एकाच प्रकारचे गडद रंग घालणे टाळा. त्याऐवजी तुमच्या स्किन टोनला सूट होणारे थोडे ब्राईट रंग वापरा. जसे की रॉयल ब्लू, बॉटल ग्रीन, वाईन कलर, पिच किंवा पेस्टल शेड्स. हे रंग तुम्हाला फ्रेश आणि तरुण लुक देतात. जर तुम्हाला गडद रंग आवडत असेल तर त्यासोबत एखादी ब्राईट ओढणी किंवा ज्वेलरी वापरा.
अनेक महिलांना वाटते की सैल कपडे घातल्याने शरीरातील चरबी लपेल. पण खूप जास्त सैल कपडे घातल्याने तुम्ही जाड आणि वयस्कर दिसता. त्याचप्रमाणे खूप घट्ट कपडे घालणे देखील चुकीचे आहे. यामुळे शरीराचा आकार व्यवस्थित दिसत नाही. त्यामुळे नेहमी तुमच्या मापाचे परफेक्ट फिटिंग असलेले कपडे घाला. कुर्ती घेताना अनारकली किंवा स्ट्रेट कट कुर्ती निवडा. जीन्स घालत असाल तर मिड राईज आणि स्ट्रेट फिट जीन्स तुमच्यासाठी योग्य राहील.
फॅशन दरवर्षी बदलत असते. पण काही महिला अजूनही 10 वर्षांपूर्वीच्या डिझाईनचे कपडे घालतात. मोठ्या प्रिंटचे, खूप जास्त वर्क असलेले किंवा आउटडेटेड ब्लॉक प्रिंटचे कपडे तुम्हाला म्हातारे दाखवतात. त्याऐवजी छोट्या प्रिंटचे, सटल वर्क असलेले आणि ट्रेंडी डिझाईनचे कपडे निवडा. सध्या चिकनकारी, लखनवी वर्क आणि हँडलूम कॉटन खूप ट्रेंडमध्ये आहे. हे कपडे तुम्हाला क्लासी आणि तरुण लुक देतात.
केवळ कपडेच नाही तर अॅक्सेसरीज देखील तुमचे वय ठरवतात. चाळीशीनंतर खूप जास्त मोठे आणि जड दागिने घालणे टाळा. त्याऐवजी छोटे आणि एलिगंट दागिने वापरा. जसे की मोत्याची माळ, छोट्या झुमक्या किंवा एक सुंदर घड्याळ. मेकअपमध्ये देखील खूप जास्त डार्क लिपस्टिक किंवा खूप जास्त फाउंडेशन लावू नका. हलका आणि नॅचरल मेकअप करा. केसांचा रंग देखील महत्त्वाचा आहे. पांढरे केस लपवण्यासाठी खूप जास्त काळा रंग लावू नका, त्याऐवजी डार्क ब्राऊन किंवा बर्गंडी शेड वापरा ज्यामुळे चेहरा उजळ दिसेल.
चाळीशीनंतर कॉटन, लिनन आणि खादी सारखे कपडे जास्त वापरा. यामध्ये तुम्हाला आरामदायक वाटेल आणि लुक देखील चांगला येईल. पायात नेहमी आरामदायक पण स्टायलिश चप्पल घाला. उंच टाचांच्या चप्पलांमुळे पाठदुखी होऊ शकते. आणि सर्वात महत्त्वाचे म्हणजे आत्मविश्वास ठेवा. तुमचा आत्मविश्वासच तुम्हाला सर्वात सुंदर बनवतो. या 4 चुका टाळल्यास तुम्ही 40 शी नंतरही 30 चे दिसू शकता.