अनेकांना वाटते झोप न येणे म्हणजे टेन्शन आहे पण खरे कारण अनेकदा तुमची बेडरूमच असते. तुम्ही नकळत अशा चुका करता ज्यामुळे झोपेची गुणवत्ता खराब होते.
आपण सगळेच ही चूक करतो. झोपण्यापूर्वी रील बघणे, चार्जिंगला लावून डोक्याजवळ मोबाईल ठेवणे यामुळे मेंदू सक्रिय राहतो. मोबाईलच्या निळ्या प्रकाशामुळे मेलाटोनिन हार्मोन तयार होत नाही. त्यामुळे झोप उशिरा येते. उपाय - झोपण्याच्या 30 मिनिटे आधी मोबाईल लांब ठेवा.
बेडरूममध्ये पांढरा ट्यूबलाईट किंवा खूप भडक रंगाची भिंत असेल तर मेंदूला दिवस असल्यासारखे वाटते. झोपेसाठी नेहमी हलका पिवळा दिवा वापरा. भिंतीचा रंग हलका निळा, राखाडी किंवा ऑफ व्हाईट ठेवा. यामुळे मन शांत राहते.
अनेकजण बेडवर बसूनच लॅपटॉपवर काम करतात किंवा जेवण करतात. यामुळे मेंदू बेडला आरामाची जागा समजत नाही. बेड फक्त झोपण्यासाठीच वापरा. यामुळे बेडवर पडताच झोप येऊ लागेल.
पॉलिस्टरच्या चादरीमुळे घाम येतो आणि गरमी वाटते. नेहमी सुती चादर वापरा. उशी खूप उंच किंवा खूप सपाट असेल तर मान दुखते आणि झोपमोड होते. तुमच्या मानेला सपोर्ट देईल अशी मध्यम उशी निवडा.
या 4 छोट्या चुका सुधारल्या तर तुम्हाला गोळी न घेता शांत झोप येईल आणि सकाळी फ्रेश वाटेल.