करियर - बीरियर : बारावी झाली की सगळ्यांना वाटते लगेच सरकारी नोकरी मिळावी. पदवीला 3 वर्ष लागतात पण काही छोटे कोर्स असे आहेत की ते 6 महिन्यात पूर्ण होतात आणि त्याच्या प्रमाणपत्रावर तुम्ही सरकारी भरतीसाठी पात्र ठरता. विशेष करून पोस्ट ऑफिस, अंगणवाडी आणि डेटा एन्ट्रीच्या नोकरीसाठी हे कोर्स खूप उपयोगी आहेत.
हा कोर्स सगळ्यात जास्त मागितला जातो. महाराष्ट्रात MSCIT आणि केंद्रात CCC म्हणतात.
कालावधी - 3 ते 6 महिने
फी - 4000 ते 6000 रुपये
कुठे करायचा - जवळच्या मान्यताप्राप्त संगणक केंद्रात
फायदा काय - ग्रामपंचायत लिपिक, डेटा एन्ट्री ऑपरेटर, तलाठी कार्यालयातील संगणक ऑपरेटर आणि कोर्टातील लिपिक भरतीसाठी हा कोर्स बंधनकारक आहे. बारावी नंतर हा कोर्स केला की तुम्ही टायपिंगच्या सरकारी नोकरीसाठी अर्ज करू शकता. पगार 18000 ते 25000 पासून सुरू होतो.
अंगणवाडी भरतीसाठी बारावी पास हेच शिक्षण लागते पण जर तुमच्याकडे हा छोटा कोर्स असेल तर निवडीत प्राधान्य मिळते.
कोर्सचे नाव - ECCE म्हणजे Early Childhood Care and Education किंवा अंगणवाडी कार्यकर्ता प्रशिक्षण
कालावधी - 6 महिने
कुठे मिळते - जिल्हा महिला व बालविकास कार्यालयात किंवा यशवंतराव चव्हाण मुक्त विद्यापीठात हा कोर्स चालतो.
फायदा काय - अंगणवाडी सेविका भरतीसाठी थेट मुलाखतीत फायदा होतो. काही जिल्ह्यांमध्ये या प्रमाणपत्राला 5 अतिरिक्त गुण मिळतात. ही नोकरी गावातच मिळते आणि मानधन 10000 ते 15000 आहे.
ऑफिसमध्ये दरवर्षी GDS म्हणजे ग्रामीण डाक सेवक पदासाठी भरती निघते. यासाठी फक्त दहावी बारावी लागते पण संगणकाचे ज्ञान असेल तर जास्त फायदा होतो.
कोर्स - बेसिक कॉम्प्युटर आणि सायकल चालवण्याचे प्रमाणपत्र आणि मराठी इंग्रजी टायपिंग 30 शब्द प्रति मिनिट
कालावधी - 3 महिने टायपिंग आणि 6 महिने संगणक
फी - 3000 रुपये
फायदा काय - GDS भरतीत मेरिट हे दहावीच्या गुणांवर लागते पण नोकरी मिळाल्यावर संगणकाचे काम येत असेल तर पोस्टमास्तर पदावर बढती लवकर मिळते. सुरुवातीचा पगार 12000 ते 29000 पर्यंत असतो.
हे तीनही कोर्स तुम्ही एकाच वेळी करू शकता. सकाळी टायपिंग आणि दुपारी MSCIT. 6 महिन्यानंतर तुमच्याकडे 2 ते 3 सरकारी प्रमाणपत्रे असतील आणि तुम्ही 10 पेक्षा जास्त प्रकारच्या सरकारी भरतीसाठी पात्र व्हाल. लक्षात ठेवा, कोणताही कोर्स करताना ते केंद्र शासनमान्य आहे का ते तपासून घ्या आणि पावती नक्की घ्या.