खूप कष्ट करून पैसा कमवता, पण महिना संपायच्या आत पैसा संपतो? तिजोरीत पैसा टिकतच नाही? याचे कारण फक्त खर्च नाही, तर वास्तुदोषही असू शकतो. वास्तुशास्त्रानुसार तिजोरी म्हणजे लक्ष्मीचे स्थान. तिथे काही वस्तू चुकूनही ठेवू नयेत, नाहीतर घरात गरिबी येते.
अनेकजण तिजोरीत घराच्या, गाडीच्या चाव्या, जुन्या पावत्या, लाईट बिले किंवा कागदपत्रे ठेवतात. वास्तुशास्त्रानुसार हे अत्यंत अशुभ मानले जाते. चाव्यांमुळे तिजोरीत नकारात्मक ऊर्जा निर्माण होते आणि पैशाचा प्रवाह अडकतो. पावत्या म्हणजे खर्चाचे प्रतीक. त्या तिजोरीत ठेवल्याने खर्च वाढतो आणि बचत होत नाही. तिजोरीत फक्त पैसे, सोने आणि लक्ष्मीशी संबंधित वस्तूच ठेवाव्यात.
वास्तूत काळा रंग हा शनी आणि नकारात्मकतेचे प्रतीक मानला जातो. तिजोरीत काळ्या रंगाचे पाकीट, काळे कापड किंवा काळ्या पिशवीत पैसे ठेवू नयेत. यामुळे लक्ष्मी नाराज होते आणि पैशाची आवक थांबते. तिजोरीत नेहमी लाल किंवा पिवळ्या रंगाचे कापड अंथरावे. लाल रंग हा कुबेर आणि लक्ष्मीला आकर्षित करतो, त्यामुळे पैसा वाढतो.
तिजोरीत औषधांच्या गोळ्या, कात्री, सुया, नेलकटर यासारख्या टोकदार वस्तू ठेवणे हा मोठा वास्तुदोष आहे. टोकदार वस्तू तिजोरीच्या सकारात्मक ऊर्जेला कापतात. औषधे म्हणजे आजारपणाचे प्रतीक, त्यामुळे घरात आजारपण आणि अनावश्यक खर्च वाढतो.
तिजोरी नेहमी उत्तर दिशेला उघडेल अशी ठेवा. तिजोरीत गोमती चक्र, लक्ष्मीचा फोटो आणि थोडी हळद-कुंकू असलेले लाल कापड ठेवा. दर शुक्रवारी तिजोरीची साफसफाई करा. या छोट्या-छोट्या चुका टाळल्या तर घरात लक्ष्मी स्थिर राहते आणि पैसा टिकू लागतो.