नवी दिल्ली : शिवसेना पक्ष आणि धनुष्यबाण चिन्ह प्रकरणाची आज सर्वोच्च न्यायालयात महत्त्वाची सुनावणी पार पडली. उद्धव ठाकरे गटातर्फे ज्येष्ठ वकील कपिल सिब्बल यांनी जवळपास 3 तास जोरदार युक्तिवाद केला. आता या खटल्याची पुढील सुनावणी उद्या 12 ऑगस्ट 2026, मंगळवारी दुपारी 2 वाजता होणार आहे. उद्या एकनाथ शिंदे गटाकडून बाजू मांडली जाणार आहे.
सिब्बलांनी आज निवडणूक आयोगाच्या 17 फेब्रुवारी 2023 च्या निर्णयावर थेट बोट ठेवले. त्यांचे 3 महत्वाचे मुद्दे:
1. आयोगाला पक्ष देण्याचा अधिकार नाही
सिब्बल म्हणाले, कलम 29A नुसार निवडणूक आयोग फक्त राजकीय पक्षाची नोंदणी करू शकतो. पण "कोणता गट अस्सल आहे" हे ठरवण्याचा अधिकार त्याला नाही.
2. बहुमत म्हणजे पक्ष नव्हे
"विधानसभेत जास्त आमदार आहेत म्हणून पक्ष देता येत नाही. पक्ष म्हणजे संघटना, घटना आणि पदाधिकारी. 2018 मध्ये शिंदे गटाने केलेला घटनाबदलच बेकायदेशीर आहे", असा युक्तिवाद त्यांनी केला.
3. ऐतिहासिक निकालाची मागणी
देशात पक्षांतरामुळे जी "बजबजपुरी" माजली आहे, त्यावर या घटनापीठाने मार्गदर्शक तत्वे द्यावीत अशी मागणी सिब्बलांनी केली.