सुकन्या समृद्धी योजना : तुम्हाला मुलगी असेल आणि तिच्या भविष्याची चिंता असेल तर सरकारची सुकन्या समृद्धी योजना तुमच्यासाठीच आहे. या योजनेत तुम्ही रोज फक्त 100 रुपये वाचवले तर मुलगी 18 वर्षांची होईपर्यंत तुम्ही सहा लाखापेक्षा जास्त रक्कम जमा करू शकता. ही योजना खास मुलींच्या शिक्षण आणि लग्नासाठी बनवली आहे.
या योजनेचे गणित खूप सोपे आहे. तुम्ही रोज 100 रुपये म्हणजे महिन्याचे 3000 रुपये आणि वर्षाचे 36 हजार रुपये जमा करता. सरकार सध्या या योजनेवर 8.2 टक्के व्याज देत आहे, जे इतर कोणत्याही बँकेच्या एफडी पेक्षा जास्त आहे. तुम्हाला ही रक्कम फक्त 15 वर्षे भरायची आहे. 15 वर्षानंतर तुम्हाला एक रुपयाही भरावा लागत नाही, पण तुमचे पैसे पुढचे 6 वर्षे व्याजासह वाढत राहतात. 21 वर्षांनी ही योजना पूर्ण होते.
आता 100 रुपयाचे गणित पाहू. जर तुम्ही दरवर्षी 36 हजार रुपये 15 वर्षे भरले तर तुमची एकूण गुंतवणूक 5 लाख 40 हजार रुपये होते. यावर 8.2 टक्के चक्रवाढ व्याजाने तुम्हाला जवळपास 9 लाख 30 हजार रुपये मिळतात. पण जर तुम्हाला मुलीच्या 18 व्या वर्षी पैसे हवे असतील तर तुम्ही 50 टक्के रक्कम काढू शकता, म्हणजे जवळपास 6 लाख रुपये तुम्हाला शिक्षणासाठी मिळू शकतात.
या योजनेचा सर्वात मोठा फायदा म्हणजे यात टॅक्स लागत नाही. तुम्ही भरलेल्या पैशावर 1.5 लाखापर्यंत सूट मिळते, मिळणाऱ्या व्याजावर टॅक्स नाही आणि मिळणाऱ्या एकूण रकमेवरही टॅक्स नाही. याला EEE कॅटेगरी म्हणतात. दुसरा फायदा म्हणजे हे खाते तुम्ही पोस्ट ऑफिस किंवा कोणत्याही सरकारी बँकेत फक्त 250 रुपयात उघडू शकता. एका मुलीसाठी एकच खाते उघडता येते आणि एका कुटुंबात दोन मुलींसाठी ही योजना घेता येते.
या योजनेसाठी मुलीचे वय 10 वर्षांपेक्षा कमी असावे लागते. आधार कार्ड, मुलीचा जन्म दाखला आणि पालकांचे ओळखपत्र एवढ्या कागदपत्रांवर खाते उघडले जाते. जर तुम्ही एका महिन्यात पैसे भरले नाहीत तर फक्त 50 रुपये दंड लागतो, खाते बंद होत नाही.
आजच्या महागाईच्या काळात मुलीच्या शिक्षणासाठी आणि लग्नासाठी वेगळी बचत करणे खूप गरजेचे आहे. रोजच्या चहा पानाच्या खर्चातून 100 रुपये वाचवून तुम्ही मुलीचे भविष्य सुरक्षित करू शकता. पोस्ट ऑफिसची ही योजना सरकारी असल्याने पैसा 100 टक्के सुरक्षित आहे.