महत्वाची बातमी : मध्य रेल्वे 1 ऑक्टोबर ते 31 ऑक्टोबर दरम्यान विशेष तिकीट तपासणी मोहीम राबवणार आहे. सणासुदीचा काळ सुरू होत आहे आणि दिवाळी, दसऱ्याला प्रवाशांची गर्दी वाढणार आहे, त्यामुळे आरक्षणाचा गैरवापर रोखण्यासाठी ही मोहीम राबवली जात आहे. यामध्ये सवलतीचे तिकीट, ठराविक कोट्यातील तिकीट आणि रेल्वे पासवर प्रवास करणाऱ्यांची काटेकोर तपासणी केली जाणार आहे.
त्यांनी सांगितले की जर तुम्ही सवलतीच्या दरात किंवा विशिष्ट कोट्यातून तिकीट काढले असेल तर तुमच्याकडे त्यासाठी लागणारे मूळ ओळखपत्र असणे बंधनकारक आहे. झेरॉक्स चालणार नाही, मूळ कागदपत्र दाखवावे लागेल. सगळ्यात महत्वाचा नियम म्हणजे एकाच पीएनआरवर अनेक प्रवाशांचे तिकीट असेल तर त्या पीएनआरवरील किमान एका प्रवाशाकडे मूळ ओळखपत्र असणे गरजेचे आहे. जर तपासणी दरम्यान एकाही प्रवाशाकडे मूळ ओळखपत्र मिळाले नाही तर त्या पीएनआरवरील सर्व प्रवाशांना विनातिकीट प्रवासी मानले जाईल आणि सगळ्यांकडून दंड वसूल केला जाईल.
1. सवलतीत काढलेले तिकीट - ज्येष्ठ नागरिक, दिव्यांग, विद्यार्थी सवलत
2. आरक्षण कोटा - लेडीज कोटा, तत्काळ कोटा, संसदीय कोटा
3. ई-पास आणि पीटीओवर प्रवास करणारे कर्मचारी - त्यांना प्रवास सुरू करण्याआधी पासवर सक्षम प्राधिकाऱ्याकडून शिक्का आणि सही घेतली आहे का हे तपासले जाईल आणि सोबत ओळखपत्र ठेवावे लागेल
4. अनारक्षित तिकीट - यूटीएसमधून काढलेल्या तिकिटाची वैधता तपासण्यासाठी टीटीई अॅपचा वापर केला जाणार आहे
प्रवाशांसाठी सूचना - 1 ऑक्टोबरपासून प्रवास करताना ओरिजनल आधार किंवा इतर ओळखपत्र सोबत ठेवा, मोबाईलमधील फोटो किंवा झेरॉक्स दाखवू नका, नाहीतर दंड भरावा लागेल.