जम्मू काश्मीरचे मुख्यमंत्री उमर अब्दुल्ला आणि प्रसिद्ध पत्रकार निधी राजदान यांनी विवाह केला आहे. दोघांनीही सोशल मीडियावर फोटो शेअर करून याबाबत माहिती दिली. दोघांवर शुभेच्छांचा वर्षाव होत असतानाच या विवाहावरून आता नवा वाद निर्माण झाला आहे. ऑल इंडिया मुस्लिम जमातचे राष्ट्रीय अध्यक्ष मौलाना मुफ्ती शहाबुद्दीन रजवी बरेलवी यांनी या विवाहाविरोधात फतवा जारी केला आहे. इस्लामच्या नियमानुसार हा विवाह बेकायदेशीर आहे, कारण उमर अब्दुल्ला मुस्लिम आहेत तर निधी राजदान मुस्लिम नाहीत, त्यामुळे निकाहपूर्वी निधी राजदान यांनी इस्लाम स्वीकारणे गरजेचे होते असे मौलाना रजवी यांनी म्हटले आहे.
मौलाना रजवी यांनी फतव्यात नेमके काय म्हटले
मौलाना मुफ्ती शहाबुद्दीन रजवी यांनी म्हटले आहे की इस्लाममध्ये लग्नासाठी काही नियम घालून दिलेले आहेत. लग्नासाठी मुलगा आणि मुलगी दोघेही मुस्लिम असणे आवश्यक आहे. जर दोघांपैकी एक मुस्लिम नसेल तर तो विवाह शरियतनुसार कायदेशीर मानला जात नाही. या प्रकरणात उमर अब्दुल्ला हे मुस्लिम आहेत आणि निधी राजदान या गैर मुस्लिम आहेत. त्यामुळे हा विवाह इस्लामच्या नियम आणि परंपरेनुसार बेकायदेशीर ठरतो. निधी राजदान यांना आधी इस्लाम स्वीकारायला लावायला हवा होता, त्यांना कलमा पढवायला हवा होता आणि त्यानंतर निकाह करायला हवा होता. तेव्हाच हा विवाह वैध ठरला असता. पण उमर अब्दुल्ला यांनी तसे केले नाही, त्यामुळे हा विवाह अवैध असल्याचे फतव्यात म्हटले आहे.
कोण आहेत उमर अब्दुल्ला आणि निधी राजदान
उमर अब्दुल्ला हे जम्मू काश्मीरचे विद्यमान मुख्यमंत्री आहेत. ते नॅशनल कॉन्फरन्स पक्षाचे उपाध्यक्ष आहेत आणि फारुख अब्दुल्ला यांचे सुपुत्र आहेत. त्यांनी यापूर्वीही जम्मू काश्मीरचे मुख्यमंत्री म्हणून काम पाहिले आहे. त्यांचे पहिले लग्न पायल नाथ यांच्याशी झाले होते, नंतर दोघांचा घटस्फोट झाला. दुसरीकडे निधी राजदान या देशातील एक प्रसिद्ध पत्रकार आणि न्यूज अँकर आहेत. त्यांनी एनडीटीव्हीमध्ये अनेक वर्षे काम केले आहे. त्या काश्मिरी पंडित कुटुंबातील आहेत. त्यांचेही हे दुसरे लग्न आहे. दोघांनीही आपल्या आधीच्या जोडीदारापासून घटस्फोट घेतला होता. दोन दिवसांपूर्वी उमर अब्दुल्ला यांनी एक्सवर फोटो शेअर करत काल नव्या प्रवासाला सुरुवात केली असे लिहिले होते. निधी राजदान यांनीही लग्नाची पुष्टी केली होती. हा विवाह अत्यंत साध्या पद्धतीने झाला असून यावेळी फक्त दोन्ही कुटुंबातील सदस्य आणि काही जवळचे मित्र उपस्थित होते. लग्नानंतर दिल्लीत एका छोटेखानी रिसेप्शनचे आयोजन करण्यात आले होते. या वादावर उमर अब्दुल्ला काय प्रतिक्रिया देतात याकडे आता सर्वांचे लक्ष लागले आहे.