राजकारण : उत्तराखंडमध्ये भाजपला पुन्हा धक्का बसला आहे. माजी आमदार यशपाल बेनाम यांनी भाजपच्या प्राथमिक सदस्यत्वाचा राजीनामा दिला आहे. 8 वर्ष पक्षात राहिल्यानंतर त्यांनी हा निर्णय घेतला आहे.
यशपाल बेनाम यांनी पत्रकार परिषद घेऊन राजीनाम्याची माहिती दिली. त्यांनी वैयक्तिक कारण देत राजीनामा दिला आहे, मात्र पत्रकार परिषदेत बोलताना पक्षात योग्य सन्मान मिळत नसल्याचा आरोप केला. पक्षाच्या वरिष्ठांनी समजून घेतले नाही, त्यामुळे वेगळे होत असल्याचे त्यांनी सांगितले.
बेनाम हे पौड नगरपालिकेचे तीन वेळा नगराध्यक्ष राहिले आहेत. 2007 च्या विधानसभा निवडणुकीत त्यांनी अपक्ष म्हणून निवडणूक लढवून तत्कालीन शिक्षण मंत्री नरेंद्र सिंह भंडारी आणि तीरथ सिंह रावत यांचा पराभव केला होता. 2018 मध्ये ते भाजपच्या तिकिटावर नगरपालिका निवडणूक जिंकले होते.
बेनाम यांनी 18 ऑक्टोबरला 8 वर्षांपूर्वी भाजपमध्ये प्रवेश केला होता आणि आता त्याच तारखेच्या आसपास पक्ष सोडला आहे. लवकरच मोठी राजकीय घोषणा करणार असल्याचे त्यांनी सांगितले आहे. ते काँग्रेसमध्ये जाणार की दुसऱ्या पक्षात याबाबत अजून माहिती समोर आलेली नाही.