तुमच्या घरात सतत भांडणे होत आहेत का, पैसा येतो पण टिकत नाही, रात्री झोप लागत नाही किंवा सतत आजारपण आहे का? वास्तुशास्त्रानुसार याचे एक मोठे कारण असू शकते तो म्हणजे घरातील आरसा चुकीच्या दिशेला लागणे. आरसा फक्त तोंड पाहण्यासाठी नसतो तर तो घरातील ऊर्जा दुप्पट करतो. आरसा योग्य दिशेला असेल तर तो लक्ष्मीला आकर्षित करतो आणि चुकीच्या दिशेला असेल तर तो नकारात्मक ऊर्जा वाढवतो.
1. बेडरूममध्ये पलंगासमोर आरसा
सगळ्यात मोठी चूक जी 90 टक्के लोक करतात ती म्हणजे बेडरूममध्ये ड्रेसिंग टेबल किंवा कपाटावर आरसा लावणे आणि तो पलंगासमोर येणे. वास्तुशास्त्रानुसार झोपताना तुमचे प्रतिबिंब आरशात दिसले तर तुमच्या वैवाहिक जीवनात तिसऱ्या व्यक्तीचा प्रवेश होतो, नवरा बायकोमध्ये सतत वाद होतात. तसेच आरसा आत्म्याला झोपू देत नाही त्यामुळे रात्री वाईट स्वप्ने पडतात आणि सकाळी उठल्यावर थकवा जाणवतो. उपाय आहे की रात्री झोपताना आरशावर पडदा टाका.
2. घराच्या मुख्य दरवाजासमोर आरसा
मुख्य दरवाजातूनच घरात लक्ष्मी प्रवेश करते. जर दरवाजासमोरच आरसा असेल तर जी सकारात्मक ऊर्जा घरात येत आहे ती आरशावर आपटून परत बाहेर जाते. त्यामुळे घरात पैसा येत नाही आणि बरकत राहत नाही. मुख्य दरवाजासमोर कधीही आरसा लावू नका.
3. दक्षिण आणि पश्चिम दिशेला आरसा
दक्षिण दिशा ही यमाची दिशा मानली जाते. या दिशेला आरसा लावल्याने घरात आजारपण वाढते, कर्ज वाढते आणि वादविवाद होतात. पश्चिम दिशेला आरसा लावल्याने कामात अडथळे येतात. आरशासाठी सर्वात शुभ दिशा उत्तर आणि पूर्व मानली जाते.
4. स्वयंपाकघर आणि तिजोरीसमोर आरसा
स्वयंपाकघरात गॅससमोर आरसा असेल तर घरात भांडणे वाढतात कारण आग दुप्पट होते. तिजोरीसमोर आरसा लावणे शुभ मानले जाते पण तो तिजोरीच्या आतील बाजूस असावा जेणेकरून पैशाचे प्रतिबिंब दिसेल आणि पैसा दुप्पट होईल, पण तिजोरीच्या बाहेर समोर आरसा असेल तर तो अशुभ आहे.