दसरा दिवाळी आली की आपण सगळे घरात जास्त उदबत्त्या, धूप लावतो. सकाळ संध्याकाळ 3 ते 4 उदबत्त्या लावणे हे अनेक घरात रोजचे आहे. पण तुम्हाला माहिती आहे का, बंद घरात उदबत्तीचा धूर हा सिगारेटच्या धुराइतकाच घातक असू शकतो.
बाजारात मिळणाऱ्या स्वस्त उदबत्त्यांमध्ये कोळसा पावडर, कृत्रिम सुगंध आणि बॅम्बू स्टिकवर केमिकल लावलेले असते. ही उदबत्ती जळताना कार्बन मोनॉक्साईड, फॉर्मल्डिहाइड आणि बेंझिन सारखे गॅस बाहेर पडतात. हेच गॅस कॅन्सरला कारणीभूत ठरू शकतात असे अमेरिकेतील एका रिसर्चमध्ये समोर आले आहे. घी किंवा चंदनाची उदबत्ती आहे म्हणून ती सुरक्षित असते असे नाही, धूर हा धूरच असतो.
1. उदबत्तीऐवजी शुद्ध कापूर वापरा. कापूर जळताना धूर कमी होतो आणि कापराच्या वासाने हवा शुद्ध होते असे आयुर्वेदात सांगितले आहे. पण कापूर देखील दिवसातून एकदाच लावा.
2. इलेक्ट्रिक धूपदानी किंवा अरोमा डिफ्यूजर वापरा. यात तेल टाकून सुगंध येतो पण धूर येत नाही. दिवाळीसाठी हा बेस्ट पर्याय आहे. 300 ते 500 रुपयात चांगला डिफ्यूजर मिळतो.
3. जर उदबत्ती लावायचीच असेल तर कमी धूर असलेली बांबूलेस उदबत्ती घ्या. आणि देवघरात लावल्यावर 5 मिनिटांनी खिडकी उघडा जेणेकरून धूर बाहेर जाईल. देवघर कधीही बेडरूममध्ये ठेवू नका.
जर तुम्हाला रोज सकाळी उदबत्ती लावल्यावर डोकेदुखी, चक्कर येणे किंवा लहान मुलाला शिंका येणे असे होत असेल तर लगेच उदबत्ती लावणे बंद करा. घरात एक छोटा एअर प्युरिफायर किंवा तुळशीचे रोप लावणे देखील फायदेशीर ठरते. दिवाळीपूर्वी घराची साफसफाई करताना देवघरातील धुराचे डाग देखील साफ करा. ते डाग म्हणजे तुमच्या फुफ्फुसात किती धूर जातो याचा पुरावा आहे.