आपले मानसशास्त्र ! नात्यात दुरावा वाढतोय ? अर्धा तास फोन बाजूला ठेवा आणि इंस्टाग्रामचे व्यसन सोडा, नाते पुन्हा घट्ट होईल - टॉप न्यूज मराठी

आजकाल प्रत्येक घरात एकच तक्रार आहे, एकाच घरात राहूनही आपण एकमेकांशी बोलत नाही. नवरा बायको, आई वडील आणि मुले सगळे आपापल्या मोबाईलमध्ये गुंतले आहेत. समोर व्यक्ती बोलत असते आणि आपले लक्ष इंस्टाग्रामच्या रीलमध्ये असते. यामुळेच नात्यात हळूहळू दुरावा येतो.

तुम्ही विचार करा, शेवटचे कधी तुम्ही तुमच्या जोडीदाराशी फोन बाजूला ठेवून मनापासून बोललात, आजच करून बघा. रोज फक्त अर्धा तास हा नियम पाळा.

पहिले 10 मिनिटे - फोन पूर्णपणे सायलेंट करून दुसऱ्या खोलीत ठेवा. टीव्ही बंद करा. फक्त दोघे बसा. दिवस कसा गेला हे विचारा. तक्रार नाही, फक्त ऐकून घ्या.

पुढचे 10 मिनिटे - जुन्या आठवणींबद्दल बोला. पहिली भेट, लग्नाचा दिवस, एखादा मजेशीर किस्सा. यामुळे मेंदूमध्ये आनंदाचे हार्मोन्स तयार होतात आणि आपण पुन्हा जवळ येतो.

शेवटचे 10 मिनिटे - उद्याचे प्लॅन किंवा एक छोटीशी चांगली गोष्ट एकमेकांबद्दल बोला. तुझ्यामुळे आज माझे काम सोपे झाले असे एक वाक्य नाते घट्ट करते.

इंस्टाग्रामचे व्यसन हे नात्याचे शत्रू आहे. आपण दुसऱ्यांचे परफेक्ट आयुष्य बघून आपल्या नात्याची तुलना करतो. पण लक्षात ठेवा, रील खोटी असते, समोर बसलेली व्यक्ती खरी असते.

आजपासूनच रात्री 9 ते 9.30 हा नो फोन झोन बनवा. या अर्ध्या तासात कोणताही फोन नाही, कोणतेही इंस्टाग्राम नाही. फक्त तुम्ही दोघे. तुम्हाला जाणवेल की भांडणे कमी झाली आहेत आणि पुन्हा एकमेकांबद्दल ओढ वाढली आहे.