नवी दिल्ली : नीट पेपरफुटी प्रकरणानंतर देशभरात उठलेल्या संतापानंतर केंद्र सरकारने आणलेले परीक्षा सुधारणा विधेयक लोकसभेत मंजूर झाले. आवाजी मतदानाने हे विधेयक पारित झाल्यानंतर अध्यक्ष ओम बिरला यांनी सभागृहाचे कामकाज दिवसभरासाठी तहकूब केले.
नीट पेपरफुटीमुळे विद्यार्थ्यांमध्ये प्रचंड रोष होता. या मुद्द्यावर कॉकरोच जनता पार्टीने दिल्लीत मोठे आंदोलन केले. संसदेवर मोर्चा नेण्यात आला. या दबावामुळे अखेर शिक्षण मंत्री धर्मेंद्र प्रधान यांनी राजीनामा दिला.
विधेयक मांडण्यापूर्वी सभागृहात मोठा गदारोळ झाला. काँग्रेस नेते राहुल गांधी यांनी सरकारवर गंभीर आरोप केला. कॉकरोच जनता पार्टीच्या आंदोलनादरम्यान विद्यार्थ्यांवर कारवाई करण्याचे आदेश गृहमंत्रालयाने दिले होते, असे ते म्हणाले. यावर सत्ताधारी आक्रमक झाले. राहुल गांधींनी पुरावा सादर करावा किंवा माफी मागावी अशी मागणी भाजप खासदारांनी केली. आरोप-प्रत्यारोपामुळे कामकाज दोनदा तहकूब झाले. दुपारी 3 नंतर सभागृह पुन्हा सुरू होऊन विधेयक मंजूर करण्यात आले.
1. पेपरफुटी करणाऱ्यांना कडक शिक्षा
2. मोठ्या रकमेचा दंड
3. परीक्षा प्रक्रिया अधिक पारदर्शक आणि सुरक्षित करण्याचा उद्देश
आता हे विधेयक राज्यसभेत मंजुरीसाठी पाठवले जाईल.