डिजिटल स्ट्रीमिंग क्षेत्रात आघाडीवर असलेल्या 'टाटा प्ले बिंज'ने आपल्या कंटेन्ट ऑफरिंगचा विस्तार करत प्रेक्षकांसाठी मनोरंजनाचे नवे पर्याय उपलब्ध करून दिले आहेत. 'वन टेक मीडिया'सोबतचा आपला सहयोग अधिक दृढ करत टाटा प्ले बिंजने आपल्या प्लॅटफॉर्मवर आता 'व्हर्टिगो टीव्ही' आणि 'भक्तीफ्लिक्स' या दोन नव्या सेवांचा समावेश केला आहे.
या विस्तारित सहयोगाचा भाग म्हणून, 'व्हर्टिगो टीव्ही' आता 'टाटा प्ले बिंज शॉट्स'मध्ये सामील झाला आहे. हे ठिकाण विविध शैलींमधील छोट्या आकाराच्या (शॉर्ट फॉर्म) रंजक कथांसाठी समर्पित व्यासपीठ म्हणून ओळखले जाते. दुसरीकडे, 'भक्तीफ्लिक्स' हा एक विशेष आध्यात्मिक प्लॅटफॉर्म असून, येथे भक्ती आणि मनोरंजनाचा अनोखा संगम प्रेक्षकांना पाहायला मिळेल. या प्लॅटफॉर्ममुळे टाटा प्ले बिंजच्या भक्तीमय व धार्मिक कंटेन्टच्या श्रेणीचा लक्षणीय विस्तार झाला आहे.
हे दोन्ही प्लॅटफॉर्म्स उपलब्ध झाल्यामुळे आता ग्राहकांना वेगवेगळ्या ॲप्सची गरज उरणार नाही. एकाच सबस्क्रिप्शन आणि युनिफाइड (एकत्रित) व्युइंग अनुभवाद्वारे प्रेक्षकांना मनोरंजनाचे अनेक वैविध्यपूर्ण पर्याय एकाच ठिकाणी मिळतील. प्रेक्षकांच्या बदलत्या आवडीनिवडी आणि गरजा ओळखून, विशेष स्ट्रीमिंग सेवांना एकत्र आणणे आणि त्यांच्यासाठी कंटेन्ट शोधणे सोपे करणे, या उद्देशाने टाटा प्ले बिंजने हे पाऊल उचलले आहे.