बॉलिवूडचा 'भाईजान' अभिनेता सलमान खान पुन्हा एकदा चर्चेत आला आहे. मात्र, यावेळी त्याच्या आगामी चित्रपटामुळे नव्हे, तर त्याच्या नव्या घराच्या निर्णयामुळे तो चर्चेचा विषय ठरला आहे. अनेक वर्षांपासून वांद्रे येथील गॅलेक्सी अपार्टमेंटमध्ये राहणारा सलमान खान लवकरच हे घर सोडून नव्या निवासस्थानी शिफ्ट होणार असल्याची माहिती समोर आली आहे.
मिळालेल्या माहितीनुसार, 2024 मध्ये गॅलेक्सी अपार्टमेंटबाहेर झालेल्या गोळीबाराच्या घटनेनंतर सलमानने स्वतःच्या मालकीच्या जागेवर नवीन घर उभारण्याचा निर्णय घेतला आहे. वांद्रेतील चिम्बई परिसरात समुद्रकिनाऱ्यालगत त्याचा प्लॉट असून, याच ठिकाणी सहा मजली आलिशान इमारत उभारण्यात येणार आहे.
या प्रकल्पाला महाराष्ट्र कोस्टल झोन मॅनेजमेंट अथॉरिटीकडून 16 जून रोजी मंजुरी मिळाली आहे. प्रस्तावित इमारतीमध्ये ग्राऊंड फ्लोअर, स्टिल्ट पार्किंग आणि सहा मजले असणार आहेत. या प्रकल्पाचे एकूण बांधकाम क्षेत्र सुमारे 1,014 चौरस मीटर इतके असेल.
दरम्यान, या इमारतीचे बांधकाम 'सच डेव्हलपर्स'कडून करण्यात येणार आहे. यापूर्वी ऑक्टोबर 2025 मध्ये मुंबई महानगरपालिकेकडून या प्रकल्पाला प्राथमिक मंजुरी देण्यात आली होती. विशेष म्हणजे, या घराचे बांधकाम पूर्ण झाल्यानंतर संपूर्ण खान कुटुंब एकाच छताखाली राहणार असल्याची माहिती समोर येत आहे.
सलमान खानच्या या नव्या निर्णयामुळे त्याच्या चाहत्यांमध्ये उत्सुकता निर्माण झाली असून, भाईजानच्या नव्या आलिशान घराची चर्चा सध्या सर्वत्र रंगली आहे.
#topnewsmarathi #topnews #breakingnews #bollywood #salmankhan