आवकाळीग्रस्त शेतकऱ्यांना मदतीचा हात देण्याच्या उद्देशाने शिंदे-फडणवीस सरकारने शेतकऱ्यांसाठी मोठं पाऊल उचललं आहे. शेतकऱ्यांनी आपल्या नुकसानीची माहिती मोबाईलवरुन पाठवावी असं आवाहन कृषिमंत्री अब्दुल सत्तार यांनी शेतकऱ्यांना केलं आहे.
गेल्या काही दिवसांपासून राज्यात झालेल्या अवकाळी पावसाने शेतकऱ्यांचं मोठं नुकसान झालंय.
अवकाळी पावसासह मोठ्या प्रमाणात गारपीट झाल्याने शेतकरी मोठ्या अडचणीत सापडला आहे. ऐन रब्बी हंगामातील पिके काढणीला आलेली असताना, अवकाळीचा फटका बसल्यामुळे बळीराजाच्या चिंतेत भर पडली आहे. अश्यात आता शेतकऱ्यांना आपल्या नुकसानीची माहिती देण्यासाठी कृषिमंत्री अब्दुल सत्तार यांनी आपला बंगला आणि कार्यालयातील मोबाईल क्रमांक जाहीर केले असून, अवकाळी, गारपिटीनं नुकसान झालेल्या शेतकऱ्यांनी आपल्या नुकसानीची माहिती आणि फोटो या 9922204367 आणि 02222876342 मोबाईल क्रमांकावर पाठवण्याचे आवाहन केलं आहे.
