मुंबई- खासदार नवनीत राणा यांनीं नवी दिल्लीमध्ये नेत्यांच्या गाठीभेटी घेऊन पत्रकार परिषद घेतली. या पत्रकार परिषदेमध्ये मुख्यमंत्री उद्धव ठाकरे यांच्यावर हल्लाबोल केला. त्याला आता शिवसेनेने उत्तर दिले आहे. महापौर किशोरी पेडणेकर यांनी ‘नवनीत राणा सी ग्रेड स्टंटबाज’ असे म्हणत टीका केली आहे.
खासदार नवनीत राणा आणि शिवसेना यांच्यातील वाद संपत संपत नाही. दिल्लीत पत्रकार परिषद घेतल्यानंतर आता त्यांच्यावर शवसेनेच्या नेत्या आणि महापौर किशोरी पेडणेकर यांनी तोंडसुख घेतले आहे. किशोरी पेडणेकर म्हणाल्या, ” मर्दानी शब्द हा नवनीत राणांच्या तोंडात शोभत नाही. तुम्ही वाह्यात आहात. सी ग्रेड पब्लिसिटी करायला तुम्हाला लोक सांगतात ते तसं करतात. नवनीत राणा या सी ग्रेड पब्लिसिटी स्टंटबाजी करतात. संविधानिक पदावर असलेल्या मुख्यमंत्री उद्धव ठाकरे यांच्यावर त्या बोलतात. त्यांच्यावर बोलण्याचा अधिकार नाही. कितीही खालच्या भाषेत बोललं तरी उद्धवजींच्या इमेज वर परिणाम होणार नाही”
‘त्यांनी त्यांचे प्रायव्हेट क्षण व्हायरल करताना काही वाटलं नाही, स्पॅान्डलायसिससाठी स्कॅन करता, हे भाजपने सोडलेले पिल्लु आहे, ते जाणून बुजून अशी स्टंटबाजी करत आहे. नवनीत राणा या स्पॅाडिलॅसिसच्या रूग्ण नाही तर मनोरुग्ण आहेत अशी टीका पेडणेकर यांनी केली आहे.
