1 मे रोजी सायंकाळी साडेपाच वाजता मनसे अध्यक्ष राज ठाकरे यांची जाहीर सभा औरंगाबाद मधील मराठवाडा सांस्कृतिक मंडळ मैदानावर आयोजित करण्यात आली आहे. मात्र, या सभेला राजकीय पक्ष, संघटनांकडून विरोध करण्यात येत आहे.
राज ठाकरेंच्या सभेसाठी पोलिसांची अद्याप परवानगी मिळालेली नसली तरी मनसे कार्यकर्ते आणि पदाधिकाऱ्यांनी राज ठाकरेंच्या सभेसाठी जोरदार तयारी सुरू केली आहे. काल मनसेच्या नेत्यांनी पोलीस आयुक्तांचीही भेट घेतली. त्यानंतर आता या सभेच्या संदर्भात मोठी बातमी समोर आली आहे.सूत्रांकडून मिळालेल्या माहितीनुसार, मनसे अध्यक्ष राज ठाकरे यांच्या सभेला औरंगाबाद पोलिसांकडून अटी-शर्थींसह परवानगी मिळण्याची दाट शक्यता आहे. सभेआधी पोलिसांकडून राज ठाकरेंना नोटीस देण्यात येणार असल्याची माहिती मिळत आहे.
