मुंबई: नुकत्याच पार पडलेल्या विधानसभा निवडणुकीत काँग्रेसच्या सात आमदारांनी क्रॉस व्होटिंग केलं असून क्रॉस व्होटींग करणाऱ्या आमदारांविरोधात काँग्रेसनं आक्रमक पवित्रा घेतला आहे.
विधान परिषद निवडणुकीमध्ये क्रॉस वोटिंग करणाऱ्या आमदारांचा अहवाल काँग्रेसच्या राज्यातील नेतृत्व आणि पक्षश्रेष्ठी कडे पाठवला असून 19 जुलै रोजी या आमदारां संदर्भात बैठक होणार असल्याची माहिती समोर आली असतानाच आता काँग्रेसचे निवडणूक प्रतिनिधी आमदार अभिजीत वंजारी यांनी नवी माहिती दिली आहे.
पक्षादेश न पाळणाऱ्या सात आमदारांचं थेट पक्षातून निलंबन केलं जाणार असून निलंबित आमदारांच्या जागी काँग्रेस नवा उमेदवार देणार असल्याची माहिती अभिजीत वंजारी यांनी टीव्ही 9 मराठी या वृत्तवाहिनीवर बोलताना दिली आहे.
पुढील सहा वर्षासाठी या आमदारांचे निलंबन काँग्रेस करणार असल्याचं अभिजीत वंजारी यांनी सांगितला आहे.