पुणे : पुण्यतील प्रसिद्ध बिल्डर विशाल अग्रवाल यांच्या अल्पवयीन मुलाने (Pune Porsche Car Accident) म्हणजेच वेदांत अग्रवालने रविवारी (19 मे रोजी) कल्याणीनगर परिसरात दारु पिऊन भरधाव गाडी चालवून दोन आयटी इंजिनिअर्सला उडवले होते. यामुळे परिसरात मोठी खळबळ उडाली होती. याप्रकरणी एका मोठ्या बिल्डरच्या पोराचा हात असल्याने मोठ्या प्रमाणात हे प्रकरण दाबण्याचा प्रयत्न करण्यात आला. मात्र हे प्रकरण मोठ्या प्रमाणात तापल्याने या प्रकरणात रोज नवनवीन खुलासे होताना दिसत आहेत. आता प्रकरणात आरोपी वेदांत अग्रवालचा पार्टीच्या अगोदरचा एक व्हिडिओ समोर आला आहे.
काय आहे व्हिडिओमध्ये?
या व्हिडिओमध्ये दिसत आहे कि वेदांत आपल्या मित्रासोबत पोर्शे कारमधून उतरताना दिसत आहे. विशेष म्हणजे या व्हिडिओमध्ये दिसत आहे वेदांत स्वतः ही कार चालवत होता. या ठिकाणी त्याचे आणखी काही मित्र त्याची वाट बघताना दिसत आहेत. यादरम्यान वेदांत आपल्या मित्राबरोबर कारमधून उतरून आपल्या बाकीच्या मित्रांबरोबर जाताना दिसत आहे. हा व्हिडिओ नेमका कुठला आहे मात्र अद्याप समजू शकलेले नाही. मात्र या व्हिडिओमध्ये वेदांत कार चालवत असल्याचे दिसत आहे. हे सीसीटीव्ही फुटेज समोर आल्याने आता अग्रवाल कुटुंबियांच्या अडचणीमध्ये अजून वाढ होण्याची शक्यता आहे.
आरोपी, वडील आणि आजोबाला अटक
या प्रकरणी पुणे पोलिसांनी धडक कारवाई करत अल्पवयीन आरोपी वेदांतची बालसुधारगृहात रवानगी केली आहे तर आरोपीचे वडील विशाल अग्रवाल याला 14 दिवसांची न्यायालयीन कोठडी सुनावण्यात आली आहे तर आजोबा सुरेंद्र अग्रवाल यांना 28 मे पर्यंत पोलीस कोठडी सुनावण्यात आली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune Porshe Accident : अग्रवाल कुटुंबाच्या अडचणीत वाढ; ‘ही’ व्यक्ती दाखल करणार तक्रार
Maharashtra SSC Result 2024 : दहावीचा निकाल जाहीर; मुलींनी पुन्हा एकदा मारली बाजी
