वंचित बहुजन आघाडीचे अध्यक्ष प्रकाश आंबेडकर यांनी महाविकास आघाडीतून बाहेर पडण्याचा निर्णय घेतला. वारंवार बैठका घेऊनही महाविकास आघाडीची वंचितचे सूर जुळले नाहीत. त्यानंतर अखेर वंचित बहुजन आघाडीने काही जागांवर आपले उमेदवार जाहीर केले. मात्र आता पुन्हा काँग्रेसने वंचितकडे मदतीचा हात पुढे केला आहे. आणि त्याच्या बदल्यात प्रकाश आंबेडकर यांना एक मोठी ऑफर दिली गेली असल्याची माहिती समोर येत आहे.
प्रकाश आंबेडकर हे स्वतः अकोल्यातून लोकसभा निवडणूक लढवणार आहेत. या जागी उभे असलेले काँग्रेसचे उमेदवार डॉ. अभय पाटील यांच्या मतांवर प्रकाश आंबेडकर यांच्यामुळे फटका बसणार आहे. आणि कदाचित याचा फायदा महायुतीला होऊ शकतो. त्यामुळेच प्रकाश आंबेडकरांनी अकोल्यातून माघार घ्यावी अशी काँग्रेसची इच्छा आहे. काँग्रेसचे वरिष्ठ नेते अनिस अहमद यांनी याबाबतची माहिती दिली आहे. प्रकाश आंबेडकर महाविकास आघाडीतून बाहेर पडले असले तरीही अजूनही काँग्रेस त्यांना मदतीचा हात पुढे करायला तयार आहे. ‘काँग्रेस आंबेडकरांना राज्यसभेची खासदारकी द्यायला ही तयार आहे. तसेच काँग्रेसचे सत्ता आल्यास केंद्रात मंत्री पदही देऊ. पण आंबेडकरांनी अकोल्यातून माघार घ्यावी. प्रकाश आंबेडकर यांनी 2019 मध्ये सुद्धा निवडणूक लढवली होती. मात्र त्यावेळी त्यांना पराभवाचा सामना करावा लागला होता. आणि त्यांना मिळालेल्या मतांचा प्रत्यक्ष फायदा हा भाजपला झाला होता. तसेच फायदा या निवडणुकीत सुद्धा होईल. त्यामुळे आंबेडकरांनी काँग्रेसचा प्रस्ताव मान्य करावा. ते आमचे मोठे बंधू आहेत. त्यामुळे त्यांनी या संदर्भात सकारात्मक विचार करावा.’, अशी भूमिका आणि सहमत यांनी स्पष्ट केली आहे. मात्र यावर प्रकाश आंबेडकरांची भूमिका काय हे अद्याप स्पष्ट झालेले नाही.
प्रकाश आंबेडकर हे वंचितला महाविकास आघाडीमध्ये अपमानाचा सामना करावा लागत असल्याच्या आणि कमी जागा पदरात पडत असल्याच्या कारणाने नाराज होते. त्यामुळे त्यांनी महाविकास आघाडीतून बाहेर पडण्याचा निर्णय घेतला. मात्र सध्या महायुतीची चालू असलेली समीकरणे बघतात महाविकास आघाडीला सर्व ताकद एकवटावी लागणार आहे. त्यामुळेच काँग्रेसने प्रकाश आंबेडकरांना राज्यसभा खासदारकी आणि लोकसभेच्या दोन जागांची ऑफर दिली असल्याची माहिती समोर येत आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Junnar News : जुन्नरमधील आर्वी गावामध्ये आढळला बिबट्या; गावकऱ्यांमध्ये भीतीचे वातावरण
Beed News : शिंदे गटाच्या जिल्हाप्रमुखाचा त्यांच्याच उपजिल्हाप्रमुखावर हल्ला
Nanded News : चिमुकली झाली पोरकी ! पतीच्या अपघाती मृत्यूनंतर पत्नीनेदेखील संपवलं आयुष्य
Pimpri Video : दारुच्या नशेत शर्ट काढून दहशत पसरवणाऱ्या गुंडाला पोलिसांनी घडवली अद्दल
Maharashtra Politics : वंचित बहुजन आघाडीकडून बीड लोकसभेसाठी अशोक हिंगे पाटील यांना उमेदवारी जाहीर
Delhi High Court : सहमतीने ठेवलेले शारीरिक संबंध बलात्कार होऊ शकत नाही; कोर्टाचा मोठा निर्णय
