जालना : जालना जिल्ह्यातून एक मोठी बातमी समोर आली आहे. जालना जिल्हा मध्यवर्ती सहकारी बँक निवडणुकीत (Tope vs Lonikar) उपाध्यक्षपद न मिळाल्याने राजेश टोपे आणि भाजप आमदार बबनराव लोणीकर यांच्यात मोठा वाद झाला आहे. या प्रकरणी राडा झाल्यानंतर दोन्ही गटातील कार्यकर्त्यांविरोधात गुन्हे देखील दाखल झाले होते. आता राजेश टोपे आणि बबनराव लोणीकर यांच्यातील संवादाची कथित ऑडिओ क्लिप सोशल मीडियावर मोठ्या प्रमाणात व्हायरल होत आहे.
माजी मंत्री तथा राष्ट्रवादीचे आमदार राजेश टोपे आणि माजी मंत्रीच असलेले भाजप आमदार बबनराव लोणीकर यांची एक ऑडिओ क्लिप सध्या सोशल माध्यमावरती व्हायरल होऊ लागली आहे. काही दिवसापूर्वीच या दोन नेत्यांमध्ये जिल्हा बँकेच्या उपाध्यक्ष पदावरून मोठा संघर्ष झाला होता. या संघर्षात लोणीकर समर्थकांनी राजेश टोपे यांची गाडी फोडली होती.
त्या संदर्भात राजेश टोपे यांनी बबनराव लोणीकरांचे नाव घेऊन त्यांच्यावर आरोप केला होता. तर दुसरीकडे लोणीकरांनी हा आरोप खोडत राजेश टोपे यांनी आपल्या समर्थकांच्या अंगावरती गाडी घालण्याचा प्रयत्न केला होता.यावरून हा वाद पेटला होता. व्हायरल ऑडिओ क्लिपची सत्यता तपासण्यात आलेली नाही. त्यामुळे ती खरी असल्याचा दावा टॉप न्यूज मराठी करत नाही.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Loksabha Security Breach : संसद भवनाच्या घटनेनंतर 7 सुरक्षा रक्षकांचे निलंबन
Pune Fire : पुण्यातील लोणी काळभोर परिसरात फर्निचरच्या गोदामाला भीषण आग
Maharashtra Weather News : मुंबई गारठणार ! राज्यात ‘या’ दिवशी वाढणार थंडी
