जळगाव : जळगावमध्ये (Jalgaon Crime) एक धक्कादायक घटना घडली होती. यामध्ये जळगाव (Jalgaon Crime) पारोळा येथील शहरात भाजीपाला विक्रेता त्याच्याच लावलेल्या हात गाडीवर पैशांचा हिशेब करत होता. यादरम्यान अचानक खांबावरील विजेची तार कोसळल्यामुळे भाजीपाला विक्रेत्याचा दुर्दैवी मृत्यू झाला आहे. पारोळा शहरातील बूधनाथ मठा जवळील महाराष्ट्र रेस्टॉरंटजवळ शनिवारी संध्याकाळी 7.30 ते 8 वाजताच्या सुमारास घडली. परमेश्वर संतोष महाजन (42 रा . पेंढारपुर पारोळा) असे मृत भाजीपाला विक्रेत्याचे नाव आहे.
काय घडले नेमके?
परमेश्वर महाजन हे शनिवारी नेहमी माणे पारोळा शहरातील बाजारपेठेतील हाकेच्या अंतरावर हातगाडीवर भाजीपाल्याचे दुकान लावत असतात. शनिवारी रिमझिम पाऊस सुरु होता. संध्याकाळी भाजीपाला विकून पैशांचा हिशोब लावत असतानाच अचानक याठिकाणी असलेल्या खांबावरील विजेची तार तुटून परमेश्वर महाजन यांच्या अंगावर कोसळली आणि हि दुर्घटना घडली.
यादरम्यान त्या ठिकाणी प्रत्यक्ष उपस्थित असलेल्या नागरिकांनी तात्काळ घटनास्थळी धाव काठीच्या सहाय्याने परमेश्वर यांच्या अंगावर पडलेली विद्युत तार बाजुला केली आणि त्यांना तातडीने खाजगी रुग्णालयात दाखल केले. या ठिकाणी वैद्यकीय अधिकाऱ्यांनी परमेश्वरांना मृत घोषित केले. या घटनेमुळे सगळीकडे हळहळ व्यक्त केली जात आहे.