नागपूर : भाजप अल्पसंख्याक सेलच्या पदाधिकारी सना खान हत्या प्रकरणात (Sana Khan Murder Case) रोज नवनवीन माहिती समोर येत आहे. सना खान यांचा (Sana Khan Murder Case) मृतदेह मध्य प्रदेशातील सिहोरी ग्राम इथं नर्मदा नदीच्या पात्रात आढळून आला होता. या प्रकरणी आरोपी अमित शाहुला नागपूर पोलिसांकडून अटक करण्यात आली आहे. त्याची सध्या कसून चौकशी सुरु आहे. या प्रकरणात रोज नवनवीन माहिती समोर येत आहे.
सना खान यांच्या हत्तेतील आरोपी अमित शाहू सेक्सटोर्शन रॅकेट चालवायचा, असे आता समोर आले आहे. तो श्रीमंत लोकांना आपल्या जाळ्यात अडकवायचा. 35 वर्षीय महिलेच्या माध्यमातून धनदांडग्यांना प्रेमाच्या जाळ्यात अडकवून तो ब्लॅकमेल करायचा. यानंतर त्यांच्याकडून पैसे उकळायचा. अशाप्रकारे आरोपीने अनेक लोकांना लुबाडले आहे. धक्कादायक म्हणजे यामध्ये काही राजकीय व्यक्तीसुद्धा असल्याचे समोर आले आहे. अमित शाहू आणि त्याच्या साथीदारांविरोधात खंडणी, ब्लॅकमेल, गुन्हेगारी कट रचणे आणि माहिती तंत्रज्ञान कायद्यान्वये गुन्हा दाखल करण्यात आला आहे.
Akola News : रागावून माहेरी गेलेली पत्नी परत येत नसल्यामुळे पतीने उचलले ‘हे’ धक्कादायक पाऊल
काय आहे नेमके प्रकरण?
2 ऑगस्टपासून सना खान बेपत्ता होत्या. या प्रकरणी नागपुरात गुन्हा दाखल करण्यात आला होता. मानकापूर पोलीस स्टेशनमध्ये मेहरूनिसा खान यांच्या तक्रारीवरून आरोपी पप्पू साहूविरोधात अपहरणाचा गुन्हा दाखल करण्यात आला होता. यानंतर याप्रकरणी आरोपी अमित शाहुला नागपूर पोलिसांकडून अटक करण्यात आली. यानंतर त्याची कसून चौकशी केली असता त्याने सना खान यांची हत्या केल्याचे कबूल केले. अमितने पत्नी सना खानची हत्या ही पैशांच्या व्यवहारातून केली असल्याचं समोर येतंय. अमित साहूने पत्नीकडून 50 लाख रुपये इतकी रक्कम पार्टनरशिपसाठी घेतली होती. सनाने हे पैसे परत मागितल्यामुळे त्यांच्यात वाद झाला आणि यातून सना खानची हत्या झाली असल्याचे समोर आले आहे.
