पुणे : पुण्यात (Pune Crime) MPSC ची गुणवंत विद्यार्थिनी दर्शना पवारची हत्या एकतर्फी प्रेमातून तिच्याच मित्राने केल्याचा प्रकार समोर आला होता. तसेच काल पुण्यातील (Pune Crime) सदाशिव पेठेत एका तरुणाने एकतर्फी प्रेमातून तरुणीवर कोयत्याने हल्ला केल्याचा प्रकार घडला. या प्रकरणानंतर संपूर्ण पुण्यात खळबळ उडाली आहे. या घटनांमुळे राज्यात कायदा सुव्यवस्थेचे राज्य आहे का? असा प्रश्न विरोधकांकडून विचारला जात आहे.
याच दरम्यान आता लग्नास नकार दिल्याने एका विवाहित महिलेने तरुणाचे अपहरण केल्याची धक्कदायक घटना उघडकीस आली आहे. पोलिसांकडून प्राप्त माहितीनुसार,गुजरातमधील वापी येथे सोलापूर येथील 23 वर्षीय तरुण खासगी कंपनीत नोकरी करतो आणि त्याचा भाऊ पुण्यातील एनडीए गेट रस्ता परिसरात राहतो. याच दरम्यान त्याचे एका 20 वर्षीय विवाहित तरुणीशी प्रेमसंबंध जुळले.
Sachin Sawant : वरिष्ठ IRS अधिकारी सचिन सावंत यांना सीबीआयकडून अटक
तरुणाच्या आई- वडिलांनी त्याचे लग्न ठरवण्यासाठी त्याला सोलापूरला घरी बोलावून घेतल्याने ही विवाहित महिला संतापली आणि तिने चार दिवसापूर्वी एनडीए (Pune Crime) रस्त्यावरील कोढवे धावडे परिसरातून प्रोफेशनल अपहरणकर्त्यांना पैसे देऊन त्यांच्या साथीने या तरुणाचे अपहरण केले. या महिलेने तरुणाचे अपहरण करण्यासाठी 2 जणांना सुपारी दिल्याचं तपासातून निष्पन्न झाले आहे. दरम्यान या प्रकरणी एका महिलेसह प्रथमेश यादव, अक्षय कोळी यांना अटक करण्यात आली आहे.
गुजरातमध्ये सापडला तरुण
पोलिसांनी तपासाची वेगवान चक्रे फिरवली. त्यानंतर पोलिसांना आरोपी गुजरातमधील वापी परिसरात एका हॉटेलमध्ये असल्याची माहिती मिळली. यानंतर त्यांनी वापी येथे जाऊन हॉटेलवर छापा टाकून तरुणाची सुटका केली.