गोंदिया : सध्या राज्यात अपघाताचे प्रमाण खूप वाढले आहे. अशीच एक अपघाताची (Accident) घटना गोंदिया जिल्ह्यातील तिरोड्यात घडली आहे. यामध्ये अपघातात एका शिक्षिकेचा दुर्दैवी मृत्यू झाला आहे. टिप्परने दिलेल्या धडकेत या शिक्षिकेला आपला जीव गमवावा लागला आहे.
काय घडले नेमके?
गोंदिया जिल्ह्याचा तिरोडा शहरातील शहीद मिश्रा शाळेजवळ हा अपघात झाला आहे. दुपारच्या सुमारास वाळू वाहून नेणाऱ्या टिप्परने धडक दिल्याने स्कूटर चालवणाऱ्या महिला शिक्षिकेचा जागीच मृत्यू झाला आहे. येवांगणा कुंभलकर असे मृत शिक्षिकेचे नाव आहे. त्या बाजारातून घरी जात असताना हा अपघात झाला आहे.
येवांगणा कुंभलकर (Yewangana Kumbhalkar) या सरांडी गावात प्रगती प्राथमिक आश्रम शाळेत शिक्षिका म्हणून कार्यरत होत्या. त्यांचा मृतदेह शवविच्छेदनासाठी शासकीय उपजिल्हा रुग्णालयात तिरोडा येथे पाठवण्यात आला. या अपघाताचा पुढील तपास तिरोडा पोलीस (Tiroda Police) करीत आहे.