नवी दिल्ली : प्रसिद्ध बॉलीवूड लेखक, दिग्दर्शक, अभिनेते सतीश कौशिक यांचे ९ मार्च रोजी हृदयविकाराच्या झटक्याने निधन झाले. होळी साजरी करण्यासाठी दिल्लीमध्ये सतीश कौशिक गेले होते. यावेळी गुरुग्राम येथील फार्म हाऊसवर सतीश कौशिक थांबले होते. यावेळी 08 मार्चला रात्री अडीच वाजता त्यांना हृदयविकाराचा तीव्र झटका आला, यात त्यांचे निधन झाले.
पोलिसांनी केलेल्या तपासामध्ये, सतीश कौशिक हे ज्या फार्म हाऊसवर राहिले होते त्यांच्या रूम मधून काही औषधे सापडली आहेत. कोणत्याही व्यक्तीच्या निधनानंतर काही पोलीस तपास केला जातो. त्यानुसार पोलीस तपासामध्ये काही औषध सापडून आली आहेत. ज्यामध्ये गॅस आणि शुगरची ही औषधे आहेत. त्यासोबत अधिक काही औषधांचा देखील समावेश आहे. याचा तपास केला जातो असून, अद्याप पोस्टमार्टम रिपोर्ट हाती आलेला नाही. अशी माहिती पोलिसांनी दिली असून तपासात संशयास्पद काहीही आढळलं नसल्याचा देखील पोलिसांनी स्पष्ट केला आहे.