ज्योतिषशास्त्रात सूर्यग्रहण खूप महत्वाचे मानले जाते. भौगोलिक घडामोडींचाही सर्व राशींवर प्रभाव पडतो, असे ज्योतिषशास्त्रात सांगण्यात आले आहे. या वर्षातील पहिले सूर्यग्रहण गुरुवार, 20 एप्रिल 2023 रोजी (सूर्यग्रहण दिनांक) होणार आहे. त्याचा कालावधी सकाळी ०७.०४ ते दुपारी १२.२९ असा असेल. ज्योतिष अभ्यासकांच्या मते, या ग्रहणाचा सर्व राशींवर प्रभाव पडेल. पण मेष राशीसह तीन राशीच्या व्यक्ती आहेत, ज्यांना या काळात खूप सावध राहण्याची गरज आहे.
कन्या
सूर्यग्रहणामुळे कन्या राशीच्या जातकांनी सावध राहण्याची गरज आहे. या काळात मनात नकारात्मक विचार येऊ शकतात, तसेच वाईट स्वप्नेही येऊ शकतात. मानसिक तणावाची चिन्हे आहेत. अपयशालाही सामोरे जावे लागू शकते. या काळात राग आणि बोलण्यावर संयम ठेवा, कारण त्यांच्यामुळे समस्या उद्भवू शकतात.
सिंह
एप्रिल महिन्यात सूर्यग्रहण असल्याने सिंह राशीच्या व्यक्तींच्या जीवनावर नकारात्मक परिणाम होऊ शकतो. या काळात केलेल्या कामाचा विपरीत परिणाम होऊन शिक्षण क्षेत्रात अडथळे निर्माण होऊ शकतात. कामाच्या ठिकाणी सावध गिरी बाळगण्याची गरज आहे, कारण समस्या निर्माण होण्याची चिन्हे आहेत. मानसिक दृष्ट्याही समस्यांना सामोरे जावे लागू शकते.
मेष
सूर्यग्रहणामुळे मेष राशीच्या लोकांना काही अडचणींना सामोरे जावे लागू शकते. या काळात सूर्यदेव या राशीत विराजमान असतील, त्यामुळे ग्रहणाचा विपरीत परिणाम अधिक दिसेल. कामाच्या ठिकाणी अडचणी निर्माण होऊ शकतात आणि कोणतेही कार्य पूर्ण करण्यात अडचणी येऊ शकतात. सूर्यग्रहण काळात मेष राशीच्या व्यक्तींनी सावध गिरी बाळगणे आवश्यक आहे.
