पुणे : आज दिनांक ०९\०२\२०२३ रोजी सकाळी ०८•४४ वाजता अग्निशमन दल नियंत्रण कक्ष येथे नगर रस्ता, चंदननगर, ९ बीआरडी जवळ इलेक्ट्रिक शॉक लागून एक इसम जखमी अवस्थेत असल्याची वर्दि मिळताच येरवडा अग्निशमन केंद्र येथून अग्निशमन वाहन रवाना करण्यात आले होते.
अग्निशमन दलाचे वाहन पोहोचताच जवानांनी पाहिले की, सदर ठिकाणी ९ बीआरडी अग्निशमन विभागाचे एक अग्निशमन वाहन दाखल झाले आहे. तसेच घटनास्थळी एक इसम जखमी अवस्थेत लाल रंगाचा इलेक्ट्रिक फिडर असलेल्या ठिकाणी पडलेला आहे. त्याचवेळी जवानांनी क्षणाचा ही विलंब न करता महावितरण अधिकारी व कर्मचारी यांना सर्व विद्युत प्रवाह तातडीने बंद करण्यास सांगून व खाञी करुन सदर जखमी इसमास अग्निशमन उपकरण सिलिंग हुक व दोरीच्या साह्याने फिडरच्या येथून जखमी अवस्थेत बाहेर काढले व त्याचवेळी तिथे उपस्थित असणारया पोलिसांच्या ताब्यात देऊन लगेच रुग्णवाहिकेतून रुग्णालयात रवाना केले.
तसेच त्याठिकाणी किरकोळ स्वरूपात गवत पेटले असल्याने त्यावर पाणी मारुन आग पुर्ण विझवली. सदर घडलेल्या घटनेमधे जखमी इसमाला ससून रुग्णालयात नेले असता मृत झाल्याचे समजले. मृत इसमाचे नाव व नेमकी घटना कशी घडली याचा तपास पोलिस करीत आहेत.
