नववर्ष साजरे करण्यासाठी होणारी गर्दी विचारात घेऊन लष्कर भागात शनिवारी वाहतूक बदल करण्यात येणार आहेत. तसेच शिवाजी रस्त्यावरील श्रीमंत दगडूशेठ गणपती हलवाई मंदिर परिसरात वाहतूक बदल करण्यात येणार आहेत.
पुण्यात यंदा निर्बंधमुक्त वातावरणात नवीन वर्षाचे स्वागत केले जाणार आहे. पुण्यात या दिवशी पहाटे ५ वाजेपर्यंत हॉटेल तसेच रेस्टोरेंट सुरू ठेवण्यास परवानगी देण्यात आली आहे.
पुण्यातील तरुण हे फर्ग्युसन रस्ता, कॅम्प परिसर, कोरेगाव पार्क या ठिकाणी जमत सेलीब्रेशन करत असतात. त्यामुळे या दिवशी वाहतूक कोंडी होऊ नये यासाठी शहरातील वाहतुकीत बदल करण्यात आला आहे.
