राज्यपाल भगतसिंह कोश्यारी यांनी छत्रपती शिवाजी महाराज यांच्याबद्दल केलेल्या वक्तव्याच्या निषेधार्थ 13 डिसेंबर रोजी राजकीय पक्ष आणि विविध संघटनांनी पुणे बंदची हाक दिली आहे. या पुणे बंदमध्ये पुणे व्यापारी महासंघाने सहभागी होण्याचा निर्णय घेतल्याची माहिती महासंघाचे अध्यक्ष फत्तेचंद रांका आणि सचिव महेंद्र पितळीया यांनी दिली.
संभाजी बिग्रेड, काँग्रेस, राष्ट्रवादी काँग्रेस, शिवसेना आर.पी.आय. या सर्व पक्षीय पदाधिकाऱ्यांनी पुणे व्यापारी महासंघाच्या पदाधिकाऱ्यांची अध्यक्ष फत्तेचंद रांका यांच्या कार्यालयात भेट घेतली. यावेळी छत्रपती शिवाजी महाराजांचा वेळोवेळी अवमान केल्याच्या निषेधार्थ पुणे बंदलापाठिंबा देण्याचे आवाहन महासंघाला करण्यात आले.
