सातारा: अफजलखानाच्या कबरीजवळ असलेले अनधिकृत बांधकाम पाडण्यास सुरवात करण्यात आली आहे. जिल्हा प्रशासन आणि पोलीस प्रशासनाकडून ही कारवाई सुरू आहे.
प्रतापगड किल्ल्याच्या पायथ्याशी जेसीबी आणि पोकलेन मशीन तैनात करण्यात आले आहेत. कोणताही वाद होऊ नये यासाठी पोलीस बंदोबस्तही तैनात करण्यात आला आहे. प्रतापगड किल्ल्याच्या परिसरात ठिकठिकाणी बॅरिकेट्स लावण्यात आले आहेत. मात्र केवळ अतिक्रमणच नव्हे तर कबरच काढा अशी भूमिका हिंदू महासंघाकडून घेण्यात आली आहे
अफझल च्या कबरी भवतीच अतिक्रमण काल प्रशासनाने काढलं आहे पण इतकीच कारवाई योग्य असून त्याच्या दफन साठी जागा देण्या मागील महाराजांची मते काही वेगळी असतील सुद्धा पण स्वराज्याच्या या शत्रूला या भूमीत जागाच असता कामा नये असं मत हिंदू महासंघाचे अध्यक्ष अध्यक्ष आनंद दवे यांनी व्यक्त केलं आहे.
