बेंगळुरू : फ्लॅटचे आमिष दाखवून लोकांची फसवणूक केल्याच्या प्रकरणात गुन्हे अन्वेषण विभागाने (CID) मंत्री डेव्हलपर्सचे अध्यक्ष व व्यवस्थापकीय संचालक सुशील पी. मंत्री आणि त्यांचा मुलगा प्रतीक मंत्री यांना अटक केली आहे.
मंत्री डेव्हलपर्स प्रायव्हेट लिमिटेड ही मालमत्ता विकास कंपनी असून तिचे मुख्यालय बेंगळुरू येथे आहे. मिळालेल्या अधिक माहितीनुसार, पिता-पुत्राना शुक्रवारी रात्री अटक करण्यात आली होती, त्यानंतर शनिवारी त्यांना न्यायालयात हजर करण्यात आले असता, त्यांना 12 सप्टेंबरपर्यंत न्यायालयीन कोठडी सुनावण्यात आली.
सूत्रांनी दिलेल्या माहितीनुसार, कंपनीवर लोकांना फ्लॅट देण्याचे आश्वासन देणे, मोठ्या प्रमाणात पैसे घेणे आणि गुंतवणूकदारांची फसवणूक करणे असे आरोप ठेवण्यात आले आहेत. या कंपनीविरुद्ध कब्बन पार्क आणि सुब्रह्मण्यपुरा पोलीस स्टेशनमध्ये फसवणुकीचे गुन्हे दाखल करण्यात आले असून सीआयडीने ताब्यात घेतले आहेत. मनी लाँडरिंग प्रकरणात अंमलबजावणी संचालनालयाने (ईडी) सुशील मंत्रीला नुकतीच अटक केली होती आणि त्याची जामिनावर सुटका करण्यात आली होती.
