पुणे : भाजप नेते उदयनराजे भोसले यांनी पुण्यामध्ये दीपक केसरकर यांची भेट घेतली . या भेटीमध्ये महाबळेश्वरचा पर्यटन विकास या विषयावर प्रामुख्याने केसरकरांसोबत चर्चा करण्यात आली असल्याचं उदयनराजे भोसले यांनी सांगितलं . दरम्यान शिवसेना कोणाची या नावावरून सुरू असलेल्या वादंगावर त्यांनी वक्तव्य केला आहे .
पुण्यामध्ये माध्यमांशी बोलताना भाजप नेते उदयनराजे भोसले म्हणाले की , ” शिवाजी महाराजांच्या नावाने पक्ष स्थापन केला , मग मी म्हणू का पक्ष माझा आहे ? अशी टीका त्यांनी शिवसेनेवर केली आहे . त्यासह मराठा आरक्षणासंदर्भात आधीच्या महाविकास आघाडी सरकारने काहीही केलेलं नाही, आता केवळ बोलत आहेत . मात्र देवेंद्र फडणवीस यांनी मराठा आरक्षणासाठी प्रयत्न केले. त्यांच्या जातीवरून वाद निर्माण हे लोक करत आहेत .
मला विशेष वाटते की, नुसती नाव लावतात पाटील ,जाधव ,महाडिक ,शिर्के ,भोसले केलं का कोणी काही मराठा आरक्षणासाठी ? असा सवाल देखील त्यांनी केला. मी तर जात-पात मानत नाही ,त्याचवेळी एकनाथ शिंदेंकडे जबाबदारी दिली असती तर प्रश्न मिटला असता. इकॉनॉमिक बॅकवर्ड सगळ्यांना द्या अशी मागणी ही यावेळी त्यांनी केली.