देशातील सर्वात मोठी टेलिकॉम कंपनी असलेल्या Reliance Jio कडे प्रीपेड प्लान्ससोबतच कमी किंमतीत येणारे शानदार पोस्टपेड प्लान्स उपलब्ध आहेत. जिओकडे ७९९ रुपयांचा प्लान (Reliance Jio Family Postpaid Plan) देखील आहे. यामध्ये नेटफ्लिक्स, प्राइम व्हिडिओ सारख्या ओटीटी अॅप्सचे मोफत सबस्क्रिप्शन मिळेल. तसेच, एकाच प्लानमध्ये तीन जणांना फायदा होईल. जिओच्या ७९९ रुपयांच्या पोस्टपेड प्लानविषयी सविस्तर जाणून घेऊया.
७९९ रुपयांचा Jio Family Plan
Reliance Jio कडे ७९९ रुपये किंमतीचा शानदार पोस्टपेड फॅमिली प्लान उपलब्ध आहे. या प्लानमध्ये कंपनी एका प्रायमरी सिम कार्डसह २ अतिरिक्त सिम कार्ड देत आहे. या प्लानची वैधता एक महिना आहे. जिओच्या या पोस्टपेड प्लानमध्ये एकूण १५० जीबी हाय-स्पीड डेटा दिला जातो. प्लानमध्ये मिळणारा डेटा समाप्त झाल्यानंतर ग्राहकांना प्रती १ जीबीसाठी १० रुपये द्यावे लागतील. यात २०० जीबी डेटा रोलओव्हरची सुविधा देखील मिळते. प्लानमध्ये देशभरात सर्व नेटवर्कवर अनलिमिटेड वॉइस कॉलिंग आणि दररोज १०० मोफत एसएमएसचा फायदा मिळतो.
जिओच्या या प्लानमध्ये अतिरिक्त बेनिफिट्सचा देखील फायदा मिळतो. यामध्ये नेटफ्लिक्स, अॅमेझॉन प्राइम, डिज्नी+ हॉटस्टारचे मोफत सबस्क्रिप्शन दिले जाते. याशिवाय, JioTV, JioSecurity आणि JioCloud चा मोफत अॅक्सेस मिळेल. यात प्राइम व्हिडिओचे १ वर्षासाठी सबस्क्रिप्शन मिळते. तसेच, JioPrime साठी ९९ रुपये खर्च करावे लागतील. दरम्यान, कंपनीकडे ५९९ रुपयांचा पोस्टपेड फॅमिली प्लान देखील उपलब्ध आहे. या प्लानमध्ये अनलिमिटेड वॉइस कॉलिंग, १०० जीबी हाय-स्पीड डेटा, नेटफ्लिक्स, हॉटस्टार आणि प्राइम व्हिडिओचे मोफत सबस्क्रिप्शन मिळते. या प्लानमध्ये देखील एक अतिरिक्त सिम कार्डसह एकूण दोन सिम कार्ड दिले जातात.
